Александэр Ісак

Александэр Ісак
Агульная інфармацыя
Нарадзіўся	21 верасня 1999(1999-09-21)[1] (25 гадоў) камуна Сольна, лен Стакгольм, Швецыя
Грамадзянства	Швецыя
Рост	192 см
Вага	70 кг
Пазіцыя	нападнік
Інфармацыя пра клуб
Клуб	Ньюкасл Юнайтэд
Нумар	14
Маладзёжныя клубы
2005—2016 АІК
Клубная кар’ера[* 1]
2016—2017 АІК 24 (10) 2017—2019 Барусія II (Дортмунд) 12 (5) 2017—2019 Барусія (Дортмунд) 5 (0) 2019 →  Вілем II 16 (13) 2019—2022 Рэал Сасьедад 105 (33) 2022— Ньюкасл Юнайтэд 3 (2)
Нацыянальная зборная[* 2]
2015—2016 Швецыя (да 17) 19 (6) 2016—2017 Швецыя (да 19) 6 (2) 2016—2018 Швецыя (да 21) 7 (0) 2017— Швецыя 37 (9)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 30 лістапада 2022. Колькасць гульняў і галоў за нацыянальную зборную ў афіцыйных матчах, адкарэктавана станам на 30 лістапада 2022
Медыяфайлы на Вікісховішчы

Александэр І́сак (шведск.: Alexander Isak; нар. 21 верасня 1999) — шведскі футбаліст, нападнік англійскага клуба «Ньюкасл Юнайтэд» і нацыянальнай зборнай Швецыі.

Клубная кар’ера

Ісак нарадзіўся і гадаваўся ў муніцыпалітэце Сольна, які размяшчаецца ў цэнтральнай акрузе Стакгольма, у сям’і ўцекачоў з Эрытрэі^[2].

АІК

Ісак дэбютаваў у складзе клуба АІК 28 лютага 2016 года, з’явіўшыся на замену на 75-й хвіліне гасцявога матча Кубка Швецыі супраць клуба «Тэнгульт» з чацвёртага дывізіёна. 7 красавіка 2016 года галоўны трэнер АІК Андрэас Альм уключыў Ісака ў стартавы склад у гасцявым матчы 2-га тура шведскага першынства супраць «Эстэрсунда» разам з маладым нападнікам Карласам Страндбергам. Ісак забяспечыў перамогу сваёй дружыны, трапна адправіўшы мяч у браму саперніка і стаўшы такім чынам самым маладым бамбардзірам АІК у гісторыі шведскага чэмпіянату ва ўзросце 16 гадоў і 199 дзён^[3]. 25 красавіка Ісак забіў свой першы гол на хатнім стадыёне клуба, адкрыўшы лік у пераможным матчы супраць «Эльфсборга», які скончыўся з лікам 2:1^[4]. 3 мая 2016 года Ісак падпісаў свой першы прафесійны кантракт да канца сезона 2018 года, уразіўшы кіраўніцтва сваімі дэбютнымі гульнямі і замацаваўшы сябе як ігрок рэгулярнага складу^[5]. 21 верасня 2016 года ў свой дзень нараджэння футбаліст забіў два крытычна важныя мячы ў пераможным дэрбі супраць «Юргордэна», якое скончылася на карысць АІК з лікам 3:0. Пазней таварыш па камандзе Чынеду Абасі ахарактарызаваў Ісака як новага Златана Ібрагімавіча^[6].

«Барусія»

23 студзеня 2017 года Ісак склаў дагавор з клубам Бундэслігі дортмундскай «Барусіяй», які павінен была дзейнічаць да лета 2022 года^[7]. Кошт трансферу не паведамляўся, але, на думку экспертаў, вагаўся каля 9 млн еўра^[8]. Перад тым, як падпісаць кантракт з Дортмундам, Ісак адмовіўся ад прапановы мадрыдскага «Рэала»^[9]. Ісак здабыў свой першы медаль у клубе, калі «Барусія» атрымала перамогу ў розыгрышу Кубка Германіі 2016/17, толькі аднойчы з’явіўшыся на турніры і не патрапіўшы ў склад каманды на фінал^[10]. Свой дэбютны гол за нямецкі клуб швед забіў у другім раўндзе Кубка Германіі 2017/18 у пераможным матчы супраць «Магдэбурга» 24 кастрычніка 2017 года. Гульня скончылася перамогай дортмундцаў з лікам 5:0^[11]. Не здолеўшы прабіцца ў асноўны склад клуба, Ісак быў вымушаны сысці ў арэнду ў нідэрландскі клуб «Вілем II». 28 лютага 2019 года футбаліст забіў гол у браму АЗ, што дапамагло клубу выйсці ў фінал Кубка Нідэрландаў упершыню з 2005 года. Сам сезон апынуўся для іграка надта шыкоўным, гэта значыць Ісак здолеў адзначыцца 14 галамі ў 18 матчах за нідэрландскі клуб.

«Рэал Сасьедад»

12 чэрвеня 2019 года Ісак падпісаў пяцігадовую ўгоду з «Рэал Сасьедад» на суму ў 988 тысяч фунтаў стэрлінгаў у год^[12]. Адразу ў першым жа матчы швед здолеў забіць гол. У розыгрышы Ла Лігі Ісак забіў свой першы гол 22 верасня 2019 года ў матчы супраць «Эспаньёла», які яго каманда выйграла з лікам 3:1^[13]. 6 лютага Ісак забіў два мячы і зрабіў адну галявую перадачу ў чвэрцьфінале Кубка Іспаніі супраць мадрыдскага «Рэала»^[14]. 9 лютага ён забіў пераможны гол у басконскім дэрбі супраць «Атлетыка» з Більбаа. Разам з клубам Ісак здабыў кубак краіны. А свайго першага хет-трыку футбаліст дамогся 21 лютага 2021 года ў пераможным матчы лігі супраць «Алавеса», стаўшы першым шведскім іграком, які забіў хет-трык у розыгрышы Ла Лігі, з часоў Генры Карльсана, які зрабіў тое ж самае за мадрыдскі «Атлетыка» ў 1949 годзе^[15].

«Ньюкасл Юнайтэд»

26 жніўня 2022 года перайшоў у англійскі «Ньюкасл Юнайтэд», падпісаўшы доўгатэрміновы кантракт. Сума трансферу не раскрывалася, але згодна з паведамленнямі СМІ склала больш за 70 млн еўра, што робіць трансфер найдаражэйшым у гісторыі англійскага клуба.

Міжнародная кар’ера

Ісак быў выкліканы ў зборную Швецыі ў студзені 2017 года на таварыскія матчы супраць Кот-д’Івуара і Славакіі. Ён дэбютаваў супраць Кот-д’Івуара, замяніўшы Пера Фрыка на 62-й хвіліне матча. У матчы супраць зборнай Славакіі Ісак адзначыўся голам на 19-й хвіліне, стаўшы самым маладым бамбардзірам у гісторыі зборнай.

Дасягненні

«Барусія» Дортмунд:

• Уладальнік Кубка Германіі: 2017

«Рэал Сасьедад»:

• Уладальнік Кубка Іспаніі: 2020

Зноскі

1. Alexander Isak // Transfermarkt — 2000. Праверана 9 кастрычніка 2017.
   <a href="https://wikidata.org/wiki/Track:Q2449070"></a>
2. «Jag blir alltid jämförd med Goitom». Sport Bladen.
3. «Skrev AIK-historia — yngst någonsin». Sport Bladen.
4. «TV: Supertalangens mål framför PL-scouterna». Fotbollskanalen.
5. «Talangen förlänger tre år med AIK». Sport Bladen.
6. «Alexander Isak hyllas: „Kan bli nya Zlatan…“». Expressen.
7. «Borussia Dortmund sign striker Alexander Isak» Архівавана 26 снежня 2018.. Borussia Dortmund.
8. «Officiellt: Alexander Isak klar för Borussia Dortmund». Fotbollskanalen.
9. «Bomben: Isak nobbar Real — här är hans val». Sport Bladen.
10. «Här får Isak göra debut i Dortmund». Sport Bladen.
11. «SUCCÉN! Alexander Isak målskytt i tyska cupen». Expressen.
12. «What is Alexander Isak’s Salary Per Week?». Salary Sport.
13. «Real Sociedad prove they mean business with win at Espanyol». Marca.
14. «Isak, the boy who rejected Real Madrid, hurt them again with a brace». Marca.
15. «Alexander Isak tremålsskytt — gjort mål i sex raka ligamatcher». SVT Sport

Спасылкі

• Старонка сайце на UEFA (англ.)