Альфансізм

Альфансізм (ісп.: Alfonsismo) — манархічны рух перыяду Другой Іспанскай Рэспублікі, які пасля звяржэння ў 1931 годзе манархіі імкнуўся аднавіць на троне караля Альфонса XIII. Найбуйнейшай арганізацыяй альфансістаў стала палітычная партыя «Іспанскае абнаўленне», створаная ў 1933 годзе[1]. Ідэалагічна яны абапіраліся на італьянскі фашызм і партугальскі інтэгралізм[2]. Альфансістам не ўдалося стаць масавым рухам, атрымаўшы невялікую падтрымку, у той час як іх супернікі, карлісты[3], хутка ўзмацнілі свае пазіцыі ў Іспаніі[4]. Падчас грамадзянскай вайны 1936—1939 гадоў прыхільнікі былога караля занялі бок мяцежнага генерала Франсіска Франка[5].

Зноскі

  1. ↑ Andrew Forrest. The Spanish Civil War. London, England, UK; New York, USA: Routledge, 2000. Pp. 10.
  2. ↑ Martin Blinkhorn. Fascists and Conservatives. 2nd ed. Oxon, England, UK: Routledge, 2001. Pp. 127.
  3. ↑ Blinkhorn, Martin (1975). Carlism and crisis in Spain, 1931-1939. Cambridge: Cambridge University Press. p. 69.
  4. ↑ Martin Blinkhorn. Fascists and Conservatives. 2nd ed. Oxon, England, UK: Routledge, 2001. Pp. 133.
  5. ↑ Martin Blinkhorn. Fascists and Conservatives. 2nd ed. Oxon, England, UK: Routledge, 2001. Pp. 133-134.