Альфрэд Льюіс Кробер
| Альфрэд Льюіс Кробер | |
|---|---|
| Alfred Louis Kroeber | |
 А. Л. Кробер разам з Ішы | |
| Дата нараджэння | 11 чэрвеня 1876[1][2][…] |
| Месца нараджэння | |
| Дата смерці | 5 кастрычніка 1960[3][1][…] (84 гады) |
| Месца смерці | |
| Месца пахавання | |
| Грамадзянства | |
| Жонка | Тэадора Кробер |
| Дзеці | Урсула Кробер Ле Гуін і Карл Кробер[d] |
| Род дзейнасці | антраполаг, археолаг, сацыёлаг, мовазнавец |
| Навуковая сфера | антрапалогія |
| Месца працы | |
| Альма-матар |
|
| Навуковы кіраўнік | Франц Боас |
| Член у | |
| Узнагароды | |
 Медыяфайлы на Вікісховішчы | |
А́льфрэд Лью́іс Кро́бер (англ.: Alfred Louis Kroeber, 11 чэрвеня 1876 — 5 кастрычніка 1960 гг.) — амерыканскі антраполаг і пісьменнік, даследчык культуры індзейцаў. Бацька амерыканскай пісьменніцы Урсулы Ле Гуін.
Біяграфія
[правіць | правіць зыходнік]А. Л. Кробер нарадзіўся на ўсходзе ЗША ў сям’і нямецкіх эмігрантаў. Выхоўваўся ў Нью-Ёрку.
У 1892—1897 гг. вывучаў англійскую і класічныя мовы ў Калумбійскім універсітэце. У 1901 г. пад кіраўніцтвам Ф. Боаса абараніў доктарскую дысертацыю, прысвечаную этнаграфіі арапаха. Цікавіўся псіхааналізам. У 1918 г. атрымаў права займацца псіхааналітычнай тэрапіяй.
Большую частку жыцця працаваў у Каліфарнійскім ўніверсітэце ў Берклі, дзе стварыў і ўзначальваў музей антрапалогіі. У 1917—1918 гг. узначальваў Амерыканскую антрапалагічную асацыяцыю.
Быў двойчы жанаты, выхоўваў 2 прыёмных і 2 сваіх дзяцей. Дачка Урсула Кробер Ле Гуін стала знакамітай пісьменніцай-фантасткай.
Памёр 5 лістапада 1960 г. у Парыжы.
Навуковыя погляды
[правіць | правіць зыходнік]Крытыкаваў класічны эвалюцыянісцкі падыход адносна прымітыўных і больш развітых чалавечых культур. Насуперак яму развіваў рэлятывісцкую канцэпцыю Ф. Боаса. Лічыў, што культуры развіваюцца ў сувязі з навакольным геаграфічным асяроддзем. Згодна яго меркаванню, антрапалогія павінна захоўваць і аднаўляць памяць пра знікаючыя культуры. Як аўтар падручніка па антрапалогіі (1923 г.) аказаў значны ўплыў на наступныя пакаленні даследчыкаў.
Займаўся археалагічнымі раскопкамі ў Мексіцы і Перу, сцвярджаў прамую сувязь паміж археалагічнай і этнічнай культурамі. Зрабіў значны ўнёсак у класіфікацыю індзейскіх моў захаду ЗША.
Як эксперт аказваў дапамогу ў усталяванні правоў індзейцаў Каліфорніі. Апрацоўваў і публікаваў індзейскі фальклор.
Публікацыі
[правіць | правіць зыходнік]Аўтар каля 500 публікацый. Найбольш важныя:
- The Arapaho, 1902, 1904, 1907 гг.
- The Native Languages of California Архівавана 9 сакавіка 2021. (разам з Роландам Дзіксанам), 1903 г.
- Types of Indian culture in California, 1904 г.
- The Religion of the Indians of California, 1907 г.
- Linguistic families of California (разам з Роландам Дзіксанам), 1919 г.
- Peoples of the Philippines, 1919 г.
- California culture provinces, 1920 г.
- Handbook of the Indians of California, 1925 г.
- Cultural and natural areas of native North America, 1953 г. (1939 г.)
- Anthropology: Culture Patterns and Processes, 1963 г.
Зноскі
- ↑ а б в г д е ё ж Anguera J. E. Enciclopedia universal ilustrada europeo-americana — Editorial Espasa, 1905. — Vol. Suplemento 1977-1978. — P. 143. — ISBN 978-84-239-4500-9
- ↑ A L Kroeber // Encyclopædia Britannica Праверана 9 кастрычніка 2017.
- ↑ Крёбер Алфред Луис // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 27 верасня 2015.
- ↑ Крёбер Алфред Луис // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 28 верасня 2015.
- ↑ Find a Grave — 1996. Праверана 28 чэрвеня 2024.
- ↑ NNDB — 2002.
Спасылкі
[правіць | правіць зыходнік]- Alfred Kroeber — NNDB
- Alfred L. Kroeber — New World Encyclopedia
- Julian H. Steward, Alfred Kroeber
- Daniel Benveniste, Alfred L. Kroeber: San Francisco’s First Psychoanalyst Архівавана 12 ліпеня 2018.
Тэматычныя сайты | ||||
|---|---|---|---|---|
| Слоўнікі і энцыклапедыі | ||||
| Генеалогія і некрапалістыка | ||||
| ||||
