Аляксандр Заслаўскі (сын Януша)

У Вікіпедыі ёсць артыкулы пра іншых асоб з прозвішчам Заслаўскі.

Аляксандр Заслаўскі
Aleksander Zasławski
Герб «Баклай»
6-ы Ваявода брацлаўскі 1615 — 1628
Папярэднік	Якуб Патоцкі
Пераемнік	Стэфан Патоцкі
17-ы Ваявода кіеўскі 1628 — 1629
Папярэднік	Тамаш Замойскі
Пераемнік	Стэфан Хмялецкі
Нараджэнне	пазней 1577
Смерць	не раней за 27 верасня 1629 і не пазней за 6 снежня 1629 Львоў, Львоўская зямля, Рускае ваяводства, Малапольская правінцыя, Карона Каралеўства Польскага, Рэч Паспалітая
Род	Заслаўскія
Бацька	Януш Заслаўскі^[d]
Маці	Аляксандра Раманаўна Сангушка
Жонка	Ефрасіння з Астрожскіх^[d]
Дзеці	Уладзіслаў Дамінік Заслаўскі і Францішак Заслаўскі^[d]
Адукацыя	Інгальштацкі ўніверсітэт^[d] Падуанскі ўніверсітэт Балонскі ўніверсітэт
Медыяфайлы на Вікісховішчы

Аляксандр Заслаўскі (па 1577—1629) — дзяржаўны дзеяч Рэчы Паспалітай. Кашталян валынскі (1605—1615), ваявода брацлаўскі (1615—1628) і кіеўскі (з 1628).

Па смерці бацькі атрымаў маёнткі роду Астрожскіх (60 горадў і мястэчак). Трымаў Жытомірскае староства, II ардынат астрожскі.

Біяграфія

З княжацкага роду Заслаўскіх герба «Баклай», сын Януша і Аляксандры з Сангушкаў.

Атрымаў грунтоўную адукацыю ў заходнееўрапейскіх універсітэтах. Займаў шэраг высокіх дзяржаўных пасадаў.

Ажаніўся з Ефрасінняй Астрожскай (шлюб у 1605), з якой меў сыноў Францішка, Караля, Януша Базыля, Кастантына Аляксандра, Уладзіслава Дамініка і Януша Ісідора, а таксама дачок Сузанну і Канстанцыю. На хросных бацькоў для сваіх дзяцей запрашаў убогіх і жабракоў^[1].

У варшаўскай бібліятэцы аа. Капуцынаў захоўваюцца кнігі з прыватнай бібліятэкі А. Заслаўскага, у тым ліку: лац.: Joan Herdani. De quatuor summis inferiis libri tres. Argentorati 1556; Opus chronologicum… auctore Jacobo Gordono Lesmoreo. Scoto. Societatis Jesu doctore theologo. Coloniae 1614; Petri Matthaei. Historiarum Franciae continuatarum… interprete Johanne Friderico Salveldt. Darmstadino. Francofurti 1613. Імаверна, кнігі патрапілі туды праз бібліятэку кляштара аа. Капуцынаў у Астрозе^[2].

Зноскі

1. Eustachy Heleniusz (Eustachy Antoni Iwanowski). Wspomnienia polskich czasów dawnych i późniejszych przez Eu……go Heleniusza. T. I. — Lwów, 1894. S. 102.
2. Rewski Z. Dawna biblioteka ks. Zasławskich w Ostrogu // Ziemia Wołyńska. 1939. Cz. 1. S. 13. Архівавана 29 мая 2014.

Літаратура

• Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 792 с. — ISBN 985-11-0378-0 (т. 2), ISBN 985-11-0315-2.