Аляксандра і Канстанцін

Аляксандра і Канстанцін
Жанры	фолк-мадэрн, поп-рок
Гады	1998—па сённяшні дзень
Краіна	Беларусь
Горад	Барысаў
Мова песень	беларуская
Лэйблы	West Records, Vigma
Склад	Аляксандра  (шведск.) Канстанцін
alexandrakonstantin.com

«Алякса́ндра і Канстанці́н» (A&K) — беларускі музычны дуэт, у які ўваходзяць Аляксандра Кірсанава (Аляксандра) і Канстанцін Драпеза (Канстанцін).

Дуэт «Аляксандра і Канстанцін» створаны ў 1998 годзе ў горадзе Барысаве. Першапачаткова музычная праграма складалася з кавер-версій сусветна вядомых песень. З 1999 года працуюць у стылі фолк-мадэрн.

Дуэт A&K стаў лаўрэатам многіх міжнародных конкурсаў і фэстаў: «Славянскі базар у Віцебску 2002», «Ethnosfera — 2002» (Польшча), «Астана-2003» (Казахстан), «Palangos Gaida-2005» (Літва), «Discovery 2006» (Балгарыя). Дуэт Аляксандра і Канстанцін прызнаны лепшым фолк-выканаўцам 2004 года па выніках тэлевізійнага фэсту «На скрыжаваннях Еўропы» на Першым нацыянальным тэлеканале.

З песняй «My Galileo» упершыню прадставілі Беларусь на конкурсе «Еўрабачанне-2004» у Турцыі.

Гісторыя

1998

Канстанцін Драпеза граў у гурце ў Барысаве. Ён пазнаёміўся з Аляксандрай, калі яна аднойчы прыйшла на рэпетыцыю гэтага гурта. У кастрычніку быў створаны дуэт «Аляксандра і Канстанцін». Пачыналі музыкі з выканання кавераў вядомых сусветных хітоў. Першы канцэрт адбыўся ў лістападзе ў мінскім «Стар-клубе».

1999

20 мая Аляксандра ўдзельнічала ў тэлевізійным конкурсе маладых артыстаў «Зорная Ростань», дзе стала лаўрэатам 3-яй прэміі.

2000

Дуэт стаў лаўрэатам тэлевізійнага конкурсу маладых артыстаў эстрады «Зорная Ростань» і ў якасці ўзнагароды атрымаў 100 гадзінаў запісу ў студыі Белтэлерадыёкампаніі. Песня «Ой, арол, ты арол» была выкарыстана ў гукавай дарожцы да дакументальнага фільма пра гісторыю Беларусі «На фоне стагоддзя» (кінастудыя «Беларусьфільм», рэжысёр — Надзея Гаркунова).

2001

24 лютага выступілі на «Рок-каранацыі». Прынялі ўдзел у канцэрце, прысвечаным 30-годдзю «Песняроў». Выпушчаны альбом «За ліхімі за марозамі».

2002

У падтрымку альбома «За ліхімі за марозамі» праведзены шэраг канцэртаў па гарадах Беларусі. У чэрвені дуэт «Аляксандра і Канстанцін» прымаюць удзел у конкурсе ў межах Еўрапейскага фестывалю этна- і фолкмузыкі «Ethnosfera 2002» у Польшчы, дзе становяцца лаўрэатам трэцяй прэміі. Пасля гэтай падзеі дуэт «Аляксандра і Канстанцін» увайшлі ў склад Дзяржаўнага канцэртнага аркестра Беларусі як самастойная творчая адзінка. У ліпені дуэт «Аляксандра і Канстанцін» стаў лаўрэатам 2-й прэміі міжнароднага фэсту «Славянскі базар у Віцебску — 2002».

2003

30 сакавіка ўдзельнічалі у памятным канцэрце, прысвечаным Уладзіміру Мулявіну ў мінскім Палацы Рэспублікі. Зняты кліп на песню «Пчолка» (2003, рэжысёры Валянцін Свіягін, Валерый Сафонаў).

2004

Дуэт Аляксандра і Канстанцін прызнаны лепшым фолк-выканаўцам 2004 года па выніках тэлевізійнага фэсту «На скрыжаваннях Еўропы» на Першым нацыянальным тэлеканале. З песняй «My Galileo» упершыню прадставілі Беларусь на конкурсе «Еўрабачанне-2004» у Турцыі^[1].

2005

27 сакавіка адбыліся здымкі відэакліпа на песню «Stairs of Separation» (рэжысёр — Сяргей Маеўскі).

2006

9 лютага выйшаў новы дыск дуэта «Аляксандра і Канстанцін» з назвай «Аўтаномная Навігацыя».

2007

У студзені здымаўся кліп на песню «The Money & The Mountains» (рэжысёр — Сяргей Маеўскі). 2 лютага адбыўся вялікі сольны канцэрт з праграмай «Аўтаномная навігацыя» ў канцэртнай залі Мінск. У верасні ўдзельнікі дуэту Аляксандра і Канстанцін ажаніліся.^[2]

2008

1 студзеня Аляксандра і Канстанцін выступлілі на святочным канцэрце ў Варне, Балгарыя. 13 лютага ў горадзе Магілёве Аляксандра і Канстанцін выступілі на буйным супольным канцэрце з пераможцам дзіцячага Еўрабачання Аляксеем Жыгалковічам і брэйк-камандай «All stars». 26 лютага выдадзены канцэртны DVD з запісам песень па-англійску «My Galileo», «The Money & The Mountains», «Stairs of Separation»^[3].

Дыскаграфія

Альбомы

• За ліхімі за марозамі («Ковчег», 2001)
• Сойка (2003)
• A&K Лепшае (West Records, 2004)
• Аўтаномная Навігацыя (West Records, 2006)
• «Ключы златыя» (Vigma, 2009)^[4]
• М1 (Vigma, 2013)^[5][6]

Самотнікі

• My Galileo. The Best (2004)
• Масьленіца (2011)^[7]

Склад

• Аляксандра Кірсанава  (шведск.) — Скончыла Беларускі дзяржаўны ўніверсітэт культуры і мастацтваў. У дуэце вакаліст, кампазітар, аранжыроўшчык. Грае на акарыне, блок-флейце, вусным гармоніку, фартэпіяна, перкусіі.
• Канстанцін Драпеза — Скончыў Беларускі дзяржаўны ўніверсітэт. У дуэце гітарыст, кампазітар, аранжыроўшчык. Грае на акустычнай і электрычнай гітары, домры, сазе.

Зноскі

1. "СЕМЬ ДНЕЙ ИСТОРИИ :: БЕЛОРУССКОГО РОК-Н-РОЛЛА". Музыкальная газета(руск.) (18). 2006. Архівавана з арыгінала 2020-09-11. Праверана 2020-09-15.
2. Александра и Константин оформили отношения БЕЛОРУССКИЕ НОВОСТИ (руск.)
3. Афіцыйны сайт (нявызн.)(недаступная спасылка). Архівавана з першакрыніцы 20 жніўня 2008. Праверана 9 сакавіка 2017. (бел.)
4. Александра и Константин: биография Ultra-music.com (руск.)
5. М1. Архівавана 26 сакавіка 2017. Тузін Гітоў. 24 кастрычніка 2013
6. Будкін, Сяргей. Аляксандра, Канстанцін і кампраміс  (бел.). Будзьма беларусамі! (23 красавіка 2013). Архівавана з першакрыніцы 2 сакавіка 2020. Праверана 2 сакавіка 2020.
7. Будкін, Сяргей. Аляксандра і Канстанцін — Масьленіца (EP), 2011  (бел.). Будзьма беларусамі! (6 сакавіка 2012). Архівавана з першакрыніцы 4 сакавіка 2020. Праверана 4 сакавіка 2020.

Літаратура

• Д.П. «АЛЯКСАНДРА І КАНСТАНЦІН» // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 15–16. — 368 с. — 2 000 экз. — ISBN 978-985-6783-42-8.

Спасылкі

• Афіцыйны сайт (нявызн.)(недаступная спасылка). Архівавана з першакрыніцы 2 лютага 2012. Праверана 9 сакавіка 2017. (бел.) (англ.)