Аліна Шапачнікаў

Аліна Шапачнікаў
польск.: Alina Szapocznikow
Дата нараджэння	16 мая 1926(1926-05-16)[1][2]^[…]
Месца нараджэння	Каліш, Калішскі павет, Велікапольскае ваяводства, Польшча
Дата смерці	2 сакавіка 1973(1973-03-02)[1][2]^[…] (46 гадоў)
Месца смерці	Пасі, Парыж, рэгіён Іль-дэ-Франс, Метраполія Францыі, Францыя
Месца пахавання	могілкі Манмартр
Грамадзянства	Польшча[3][4]
Род дзейнасці	скульптарка, артыстка, рысавальнік, фатографка, графік
Жанр	абстракцыянізм
Мастацкі кірунак	абстракцыянізм і феміністычнае мастацтва^[d]
Узнагароды
Медыяфайлы на Вікісховішчы

Grands ventres (Вялікі пузы). 1968

Аліна Шапачнікаў (польск.: Alina Szapocznikow; 16 мая 1926, Каліш, Польшча — 2 сакавіка 1973, Пасі, Францыя) — польскі скульптар і графік яўрэйскага паходжання.

Біяграфія

Аліна Шапачнікаў нарадзілася 16 мая 1926 года ў горадзе Каліш ў сям'і ўрача. У час Другой сусветнай вайны з-за яўрэйскага паходжання была змешчана ў гета Пабяніцаў і Лодзі, затым знаходзілася ў канцлагерах Асвенцім, Берген-Бельзен і Тэрэзіенштат.

Пасля заканчэння вайны ў 1946—1947 гадах вучылася на скульптара ў Празе, першапачаткова ў майстэрні Отакара Велімскага, затым у Пражскай Вышэйшай школе прыкладнога мастацтва. Дзякуючы стыпендыі, у 1947—1950 гадах працягнула вучобу ў парыжскай Нацыянальнай вышэйшай школе прыгожых мастацтваў, аднак з-за цяжкай хваробы яна была вымушана перапыніць вучобу і вярнуцца ў Польшчу.

У 1963 годзе Аліна Шапачнікаў ізноў пераехала ў Парыж. У 1969 годзе ў яе быў дыягнаставаны рак грудзі, і ў 1973 годзе яна памерла ў санаторыі Пра-Катанэ ў Пасі.

Асабістае жыццё

Яна была жонкай польскага гісторыка мастацтва Рышарда Станіслаўскага, іх сын Пётр жыве ў Францыі. Пасля разводу са Станіслаўскім яна выйшла замуж за польскага графіка Рамана Цяслевіча, з якім заставалася ў шлюбе да самай смерці.

Мастацкая творчасць

Пражываючы ў Польшчы, яна стварала выразныя фігуратыўныя скульптуры, выкарыстоўваючы такія матэрыялы як бронза і камень. У Парыжы яна пачала эксперыментаваць з каляровымі злепкамі ўласнага цела ў поліэстэры і поліўрэтане. У апошнія гады жыцця на яе творчасці адбівалася ўсведамленне надыходзячай смерці.

Яе працы знаходзяцца ў экспазіцыі Музея сучаснага мастацтва ў Нью-Ёрку, у Музея сучаснага мастацтва ў Лос-Анджэлесе, парыжскага Цэнтра Пампіду і лонданскай Галерэі Тэйт.

Зноскі

1. Alina Szapocznikow
   <a href="https://wikidata.org/wiki/Track:Q17299517"></a>
2. Alina Szapocznikow // Benezit Dictionary of Artists — OUP, 2006. — ISBN 978-0-19-977378-7 Праверана 9 кастрычніка 2017.
   <a href="https://wikidata.org/wiki/Track:Q217595"></a><a href="https://wikidata.org/wiki/Track:Q24255573"></a><a href="https://wikidata.org/wiki/Track:Q1547776"></a>
3. Museum of Modern Art online collection Праверана 4 снежня 2019.
   <a href="https://wikidata.org/wiki/Track:Q73268604"></a>
4. https://www.workwithdata.com/person/alina-szapocznikow-1926 Праверана 3 кастрычніка 2024.

Спасылкі

• На Вікісховішчы ёсць медыяфайлы па тэме Аліна Шапачнікаў
• Аліна Шапачнікаў на culture.pl Архівавана 3 сакавіка 2013. (англ.)
• Аліна Шапачнікаў на flickr
• Gazeta Wyborcza (польск.)