Анджэй Фрыч-Маджэўскі

Анджэй Фрыч-Маджэўскі
Анджэй Фрыч-Маджэўскі
	польск.: Andrzej Frycz Modrzewski
Род дзейнасці	філосаф, багаслоў, пісьменнік, палітык, навуковец, гуманіст
Дата нараджэння	20 верасня 1503
Месца нараджэння	Вольбуж, Гміна Вольбуж, Пятркоўскі павет, Лодзьскае ваяводства, Польшча;
Дата смерці	1572
Месца смерці	Вольбуж, Гміна Вольбуж, Пятркоўскі павет, Лодзьскае ваяводства, Польшча;
Грамадзянства	Рэч Паспалітая;
Веравызнанне	Каталіцкая Царква
Альма-матар	Ягелонскі ўніверсітэт;
	Медыяфайлы на Вікісховішчы

Анджэй Фрыч-Маджэўскі (польск.: Andrzej Frycz Modrzewski, лац.: Andreas Fricius Modrevius; 20 верасня 1503, в. Вольбуж Лодзінскага ваяводства, Польшча — восень 1572) — польскі публіцыст, асветнік-гуманіст, грамадска-палітычны дзеяч.

Біяграфія

У 1517—1522 гадах вучыўся ў Ягелонскім універсітэце (Кракаў).

Доўгі час жыў у Германіі, дзе сустракаўся з М. Лютэрам і Ф. Меланхтанам.

З 1547 года — сакратар караля Жыгімонта II Аўгуста, з 1553 года — войт у Вольбужы.

Творчасць

Асноўная праца — грамадска-палітычны трактат на лацінскай мове «Аб удасканаленні Рэчы Паспалітай» (Кракаў, 1551; Базель, 1554), у якім абгрунтавана праграма антыфеадальнага, дэмакратычнага развіцця краіны. Фрыч-Маджэўскі выступаў супраць падпарадкавання дзяржавы інтарэсам прывілеяваных саслоўяў, у абарону чалавечай годнасці асобы, за цярпімасць і свабоду мыслення, развіццё навукі і секулярызацыю асветы, стварэнне нацыянальнай царквы і інш. На польскую мову ўпершыню перакладзены Ц. Базылікам і выдадзены Я. Карцанам у 1577 годзе ў Лоскай друкарні з прадмовай А. Волана.

У канцы жыцця Фрыч-Маджэшскі пісаў творы, прысвечаныя тэалагічнай тэматыцы, хрысціянскай этыцы і рэформе царквы. Яго погляды зрабілі ўплыў на развіццё польскай і еўрапейская грамадска-палітычнай і філасофскай думкі.

Зноскі

Літаратура

Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).