Андраскогін (акруга)

Андраскогін
англ.: Androscoggin County
Краіна	ЗША[2]
Уваходзіць у	Мэн[1]
Адміністрацыйны цэнтр	Auburn^[d]
Дата ўтварэння	18 сакавіка 1854
Насельніцтва	▲111 139 чал. (1 красавіка 2020)[3][4]
Плошча	1 288 км²
Афіцыйны сайт (англ.)
Медыяфайлы на Вікісховішчы

Акруга Андраскогін (англ.: Androscoggin County) — акруга на захадзе штата Мэн, ЗША. Насельніцтва на 2020 год складала 111 139 чалавек. Адміністрацыйны цэнтр — горад Аберн, самы вялікі горад — Льюістан.

Раннімі жыхарамі рэгіёна былі індзейцы абенакі. Акруга Андраскогін была заснавана 18 сакавіка 1854 і названа ў гонар народу андраскогін (адна з груп абенакі). Вытворчасць у гарадах-суседзях Льюістане і Аберне, якія разам складаюць другі па велічыні метрапалітанскі арэал у штаце, развілася ў канцы XIX стагоддзя разам з тэкстыльнай і абутковай прамысловасцю.

Геаграфія

Плошча акругі складае 1 290 км², з іх 1 210 км² (94 %) — суша, а 80 км² (6 %) — вада. Яе рэльеф уключае нізіны на поўдні і пагорыстыя ўзвышшы на поўначы. З поўначы на поўдзень працякае рака Андраскогін. Вадаспад Льюістан аддзяляе Аберн, цэнтр акругі, на захадзе ад Льюістана на ўсходзе^[5].

Суседнія акругі

• Кенэбек — паўночны ўсход
• Сагадахок — паўднёвы ўсход
• Франклін — поўнач
• Камберленд — поўдзень
• Оксфард — захад

Дэмаграфія

Перапіс насельніцтва
Перапіс	Насельніцтва		%±
1860	29 726		—
1870	35 866		20.7%
1880	45 042		25.6%
1890	48 968		8.7%
1900	54 242		10.8%
1910	59 822		10.3%
1920	65 796		10%
1930	71 214		8.2%
1940	76 679		7.7%
1950	83 594		9%
1960	86 312		3.3%
1970	91 279		5.8%
1980	99 657		9.2%
1990	105 259		5.6%
2000	103 793		-1.4%
2010	107 702		3.8%
2020	111 139		3.2%

Паводле перапісу 2020 года ў акрузе Андраскогін жылі 111 139 чалавек. Сярэдні ўзрост насельніцтва — 40,8 год. Насельніцтва акругі па ўзроставым дыяпазоне размеркавалася наступным чынам: 21,7 % — жыхары маладзейшыя за 18 гадоў, 61,7 % — ад 18 да 65 гадоў і 17,6 % — ва ўзросце 65 гадоў і старэй. Расавы склад: белыя — 86,9 %, афраамерыканцы — 5,9 %, карэнныя амерыканцы — 0,4 % і азіяты — 0,8 %. 5,2 % насельніцтва — лацінаамерыканцы^[6].

У 2020 годзе медыяны даход на сям’ю ацэньваўся ў 70 817 $, на хатнюю гаспадарку — у 62 958 $. 15,9 % насельніцтва пражываюць за рысай беднасці. 24,7 % маюць вышэйшую адукацыю. 67,4 % былі супрацоўнікамі прыватных кампаній, 3,0 % — самазанятыя работнікі, 12,8 % — супрацоўнікі прыватных некамерцыйных арганізацый, 10,9 % — дзяржаўныя служачыя, 5,9 % — самазанятыя ў уласным незарэгістраваным бізнэсе або хатняй гаспадарцы^[6]. Жыхары акругі занятыя ў прамысловасці (абутковая, тэкстыльная, хлебабулачная і гумавая прамысловасць), сельскай гаспадарцы (птушка, яблыкі, кукуруза і буйная рагатая жывёла), а таксама ў сферы аховы здароўя^[5].

Галерэя

• 
  Mетадысцкая царква ў Льюістане
• 
  Баптысцкая царква ў Грыне
• 
  Рака Андраскогін

Зноскі

1. Бюро перапісу насельніцтва ЗША — 1902. Праверана 10 ліпеня 2015.
   <a href="https://wikidata.org/wiki/Track:Q637413"></a>
2. archINFORM — 1994. Праверана 6 жніўня 2018.
   <a href="https://wikidata.org/wiki/Track:Q265049"></a>
3. 2020 United States Census / пад рэд. Бюро перапісу насельніцтва ЗША Праверана 1 студзеня 2022.
   <a href="https://wikidata.org/wiki/Track:Q637413"></a><a href="https://wikidata.org/wiki/Track:Q23766566"></a>
4. 2020 United States Census / пад рэд. Бюро перапісу насельніцтва ЗША Праверана 1 красавіка 2022.
   <a href="https://wikidata.org/wiki/Track:Q637413"></a><a href="https://wikidata.org/wiki/Track:Q23766566"></a>
5. Androscoggin County, Maine, United States (нявызн.). Britannica. Праверана 3 снежня 2022.
6. Androscoggin County, Maine (нявызн.). Бюро перапісу насельніцтва ЗША. Праверана 3 снежня 2022.