Анж Жак Габрыэль

Анж Жак Габрыэль
Дата нараджэння	23 кастрычніка 1698(1698-10-23)
Месца нараджэння	Парыж
Дата смерці	4 студзеня 1782(1782-01-04) (83 гады)
Месца смерці	Парыж
Грамадзянства	Францыя
Бацька	Jacques Gabriel^[d]
Член у	Каралеўская Акадэмія архітэктуры^[d]
Працаваў у гарадах	Парыж[1]
Уплыў на	Nicolas Marie Potain^[d]
Медыяфайлы на Вікісховішчы

Анж Жак Габрыэль (фр.: Ange-Jacques Gabriel; 23 кастрычніка 1698, Парыж — 4 студзеня 1782, Парыж) — французскі архітэктар, меў чын Першага каралеўскага архітэктара.

Біяграфія

Вучыўся ў свайго бацькі Жака Габрыэля V, архітэктара асабняка Пейрана дэ Мора (Peyrenc de Moras) (цяпер Музей Радэна), і ўнук архітэктара Жака IV Габрыэля. З 1742 першы архітэктар караля і прэзідэнт Акадэміі архітэктуры. Адзін з заснавальнікаў класіцызму XVIII стагоддзя.

Габрыэль ў Версалі

У сваіх працах у Версалі (рэканструкцыя інтэр'ераў палаца і перабудова яго паўночнага крыла, названага пасля крылом Габрыэля, 1735-74; палацавы тэатр, 1763-70) Габрыэль супрацьпаставіў падкрэсленай рэпрэзентатыўнасці архітэктуры XVII стагоддзя і дэкору ракако рацыянальнасць планіроўкі, лагічную яснасць, прастату і выразнасць форм, вытанчанасць стрыманага аздаблення. Гарманічны, вытанчаны па прапорцыях Малы Трыянон (1762-64), пабудаваны Габрыэлем ў парку Версаля, азначаў пераход ад арыстакратычнага палаца да інтымнага асабняка.

Габрыэль ў Парыжы

Звязаная з гарадскімі магістралямі планіроўка і адкрытая да Сены забудова плошчы Людовіка XV (цяпер плошча Згоды) у Парыжы (1753-75) з'явілася важным этапам у асэнсаванні архітэктурнага ансамбля як арганічнай часткі прасторавай кампазіцыі горада. Ваенную школу будаваў у 1751-75 гады.

Зноскі

1. RKDartists Праверана 15 кастрычніка 2022.
   <a href="https://wikidata.org/wiki/Track:Q17299517"></a>

Літаратура

• Gromort G., Jacques-Ange Gabriel, sa vie, son oeuvre, P. 1933.