Аперацыя «Джанкшэн-Сіці»

Аперацыя «Джанкшэн-Сіці»
Асноўны канфлікт: Вайна ў В’етнаме
Карта аперацыі
Дата 22 лютага—14 мая 1967
Месца Паўднёвы В’етнам
Вынік адсутнасць відавочнай перамогі ў абодвух бакоў[1][2][3]
Праціўнікі
Сцяг В'етнама Паўночны В’етнам
Сцяг В'етконга В’етконг 		Сцяг ЗША ЗША
Сцяг Паўднёвага В'етнама Паўднёвы В’етнам
Камандуючыя
Сцяг В'етнама Хаанг Ван Тхай
Сцяг В'етнама Ле Дык Ань 		Сцяг ЗША Уільям Уэстморленд
Сцяг ЗША Джонатан Сіман
Сцяг ЗША Брус Палмер
Сцяг Паўднёвага В'етнама Цаа Ван Віен
Сілы бакоў
невядома 30 000 чалавек[4]
Страты
2 728 забітых 282 забітых[5] (амерыканскія ацэнкі без ПВ)
14 000 забітых[6] (паўночнав’етнамскія ацэнкі з ПВ)
Лагатып Вікісховішча Медыяфайлы на Вікісховішчы

Джанкшэн-Сіці (англ.: Junction City) — ваенная аперацыя, праведзеная сіламі ЗША і Паўднёвага В’етнама ў лютым—маі 1967 года падчас вайны ў В’етнаме.

«Джанкшэн-Сіці» была адной з трох значных аперацый[7], праведзеных арміяй ЗША ў тактычнай зоне III корпуса Паўднёвага В’етнама ў сухім сезоне 1966—1967 гадоў. Кожная з гэтых аперацый на момант свайго правядзення была самай буйной з моманту ўступлення амерыканцаў у вайну.

Аперацыя праводзілася ў «ваеннай зоне C», паўночным раёне правінцыі Тэйнінь (Паўднёвы В’етнам) каля мяжы з Камбоджай. Гэты раён актыўна выкарыстоўваўся партызанамі НФВПВ і салдатамі паўночнав’етнамскай арміі для пранікнення ў Паўднёвы В’етнам з тэрыторыі нейтральнай дзяржавы. Амерыканскае камандаванне лічыла, што праціўнік паспрабуе аказаць сур’ёзны супраціў дзеянням сіл у яго апорным раёне. Гэта дазволіла б амерыканскім падраздзяленням нанесці НФВПВ і паўночнав’етнамскай арміі цяжкія страты дзякуючы сваёй перавазе ў агнявой моцы. Іншай задачай у ходзе аперацыі было выяўленне і знішчэнне Цэнтральнага штаба, які кіраваў дзеяннямі партызан на ўсёй тэрыторыі Паўднёвага В’етнама. Меркавалася, што штаб знаходзіцца ў гэтым раёне.

«Джанкшэн-Сіці» праходзіла з 22 лютага па 14 мая 1967 года. У ёй бралі ўдзел больш за 25 тысяч амерыканскіх байцоў у складзе двух поўных дывізій (1-й і 25-ы пяхотных) і пяці іншых брыгад і палкоў, а таксама падраздзяленні Паўднёвага В’етнама. У першы дзень аперацыі была праведзена адзіная за ўсю вайну высадка буйнога паветранага дэсанту ЗША (два батальёны 173-й паветрана-дэсантнай брыгады). Спачатку праціўнік пазбягаў бою, але ў далейшым ініцыяваў пяць буйных бітваў:

Аперацыя «Джанкшэн-Сіці» лічыцца дастаткова паспяховай, нягледзячы на тое што цэнтральны штаб праціўніка выявіць не ўдалося. За два месяцы баявых дзеянняў сілы ЗША страцілі амаль 300 чалавек забітымі і каля 1000 параненымі. Страты праціўніка ацэньваліся ў 2700 чалавек забітымі. У сваю чаргу, улады Паўночнага В’етнама заяўлялі аб гібелі ў ходзе аперацыі больш за 14000 салдат ЗША і Паўднёвага В’етнама[6].

Зноскі

  1. ↑ Willbanks, James H. (2013). Vietnam War: The Essential Reference Guide Gale virtual reference library. ABC-CLIO. p. 105. ISBN 9781610691048.
  2. ↑ Hess, Gary R. (1998). Vietnam and the United States: Origins and Legacy of War: Volume 7 of Twayne's international history series. Twayne Publishers. p. 96. ISBN 9780805716764.
  3. ↑ Turley, William S. (2008). The Second Indochina War: A Concise Political and Military History. Rowman & Littlefield Publishers. p. 114. ISBN 9780742557451.
  4. ↑ Battlefield:Vietnam | Timeline. www.pbs.org.
  5. ↑ Operation Junction City Vietnam Battle Book(недаступная спасылка) 19–20. Fort Leavenworth, KS: Combat Studies Institute (29 красавіка 1983). Архівавана з першакрыніцы 21 снежня 2016. Праверана 21 студзеня 2021.
  6. ↑ а б James H. Willbanks. Vietnam: The Course of a Conflict, p.52
  7. ↑ Двума іншымі былі «Этлбара» і «Сідар-Фолс»
  8. ↑ Першая бітва пры Ап-Бау-Банг адбылася ў лістападзе 1965 года.

Спасылкі

[правіць | правіць зыходнік]