Аркадзь Натанавіч Стругацкі

Аркадзь Натанавіч Стругацкі
руск.: Аркадий Стругацкий
Асабістыя звесткі
Псеўданімы	С. Бережков і С. Ярославцев
Дата нараджэння	28 жніўня 1925(1925-08-28)[1][2]^[…]
Месца нараджэння	Батумі, СССР
Дата смерці	12 кастрычніка 1991(1991-10-12)[1][2]^[…] (66 гадоў)
Месца смерці	Масква, РСФСР, СССР
Грамадзянства	СССР
Бацька	Натан Залманавіч Стругацкі^[d]
Альма-матар	Ваенны інстытут Міністэрства абароны СССР^[d] Ваенны інстытут замежных моў^[d]
Прафесійная дзейнасць
Род дзейнасці	пісьменнік, сінхронны перакладчык, сцэнарыст, пісьменнік навуковай фантастыкі, перакладчык
Гады творчасці	1946 — 1991
Жанр	навуковая фантастыка
Узнагароды	Q130795294? (1981)
Подпіс
rusf.ru/abs/

У Вікіпедыі ёсць артыкулы пра іншых людзей з прозвішчам Стругацкі.

Арка́дзь Ната́навіч Струга́цкі (28 жніўня 1925, Батумі — 12 кастрычніка 1991, Масква) — расійскі савецкі пісьменнік, сцэнарыст, перакладчык. Працаваў у суаўтарстве з братам Барысам Стругацкім.

Біяграфія

Бацька — мастацтвазнаўца, маці — настаўніца. З пачаткам Вялікай Айчыннай вайны працаваў на будаўніцтве ўмацаванняў, затым — у гранатнай майстэрні. У канцы студзеня 1942 года разам з бацькам эвакуіраваўся з блакаднага Ленінграда. Цудам выжыў — адзіны з усяго вагона. У Волагдзе пахаваў бацьку. Апынуўся ў горадзе Чкалаў (цяпер — Арэнбург). У горадзе Ташла Арэнбургскай вобласці працаваў на малакапрыёмным пункце, там жа быў прызваны ў армію. Вучыўся ў Акцюбінскім артвучылішчы. Вясной 1943 года быў адкамандзіраваны ў Маскву, у Ваенны інстытут замежных моў. Скончыў яго ў 1949 годзе па спецыяльнасці — перакладчык з англійскай і японскай моў. Быў на выкладчыцкай працы ў Канскай школе ваенных перакладчыкаў, служыў дывізіённым перакладчыкам на Далёкім Усходзе. Дэмабілізаваўся ў 1955 годзе. Працаваў у «Рэфератыўным часопісе», затым рэдактарам у Дзіцячым выдавецтве і Дзяржпалітвыдаце. Апублікаваў 25 раманаў і аповесцяў, апавяданні, некалькі сцэнарыяў. Сумесна з братам прымаў удзел у напісанні сцэнарыяў і працы над фантастычнымі фільмамі, сярод якіх вылучаецца кінафільм «Сталкер» (рэжысёр — А.Таркоўскага).

Быў членам рэдкалегіі розных зборнікаў і перыядычных выданняў: «Свет прыгод», «Бібліятэка сучаснай фантастыкі», «Веды — сіла», з 1985 года — «Уральскі следапыт». Узначальваў метадычную раду па працы з КАФ пры Усесаюзным таварыстве кнігалюбаў, быў членам Усесаюзнага Савета КАФ, затым яго старшыня.

Займаў выбарныя пасады ў секцыі прозы Маскоўскага аддзялення СП РСФСР, Савеце па навукова-фантастычнай і прыгодніцкай літаратуры СП РСФСР, Савеце па фантастыцы і прыгодам СП СССР.

Меў дваіх дзяцей, унукаў. Жыў у Маскве.

Зноскі

1. Аркадий Стругацкий // ISFDB — 1995. Праверана 9 кастрычніка 2017.
   <a href="https://wikidata.org/wiki/Track:Q2629164"></a>
2. Virtual International Authority File — [Dublin, Ohio]: OCLC, 2003. Праверана 25 мая 2018.
   <a href="https://wikidata.org/wiki/Track:Q988937"></a><a href="https://wikidata.org/wiki/Track:Q54919"></a><a href="https://wikidata.org/wiki/Track:Q54837"></a><a href="https://wikidata.org/wiki/Track:Q190593"></a>

Літаратура

• Стругацкія // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 209. — 10 000 экз. — ISBN 985-11-0035-8. — ISBN 985-11-0251-2 (т. 15).