Артэмія

Артэмія
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Ракападобныя Клас:  Шчэлепаногія Падклас:  Sarsostraca Атрад:  Anostraca Сямейства:  Artemiidae Род:  Artemia Від:  Артэмія
Міжнародная навуковая назва
Artemia salina Linnaeus, 1758
Выявы на Вікісховішчы ITIS   83691 NCBI   85549 EOL   1020243

Артэмія (Artemia salina) — від шчэлепаногіх ракападобных.

Апісанне

Цела паўпразрыстае, адносна шырокае, з 11 пар ног. Памеры могуць дасягаць 1,5 см. Лістападобныя канеч­насці вы­конваюць функ­цыі ды­ха­ння і пад­го­ну ежы. Ан­тэны ў сам­ца ператвораны ў хапальныя ор­га­ны і слу­жаць для ўтрымання сам­кі ў час спа­рва­ння.

Пашырэнне

Рачок жыве ў марскіх ліманах і плыткіх салёных азёрах стэпавай і паўпустыннай зон Еўразіі, дзе можа дасягаць даволі высокай колькасці. Раней Artemia salina лічылася касмапалітам, аднак храмасомны аналіз выявіў комплекс больш чым з шасці відаў^[1].

Асаблівасці біялогіі

У залежнасці ад салёнасці вады рачкі, што жывуць у розных вадаёмах, адрозніваюцца знешнім выглядам. Чым вышэйшая канцэнтрацыя солей у вадзе, тым менш выражаны ў іх прыдаткі ў задняй частцы цела. Таксама ўзровень салёнасці ўплывае на суадносіны даўжынь груднога і брушнога аддзелаў цела і ступень развіцця антэн.

Кормяцца мікраскапічнымі водарасцямі. Пры недахопе водарасцей рачкі каламуцяць донны асадак і адфільтроўваюць з яго бактэрый.

Акрамя палавога размнажэння для іх характэрны таксама і партэнагенез.

Выкарыстанне

Лёгка разводзіцца ў акварыумах, выкарыстоўваецца як корм для дэкаратыўных і прамысловых відаў рыб.

Зноскі

1. Круглова О. Ю. Класс Crustacea — Ракообразные: метод. рекомендации. В 2 ч. Ч. 1. Низшие ракообразные — Мн.: БГУ, 2014. — С 9.

Літаратура

• Жизнь животных. — 2-е изд. — М.: Просвещение, 1988. — Т.2. — 447 с.

Спасылкі

• Большая российская энциклопедия Архівавана 17 кастрычніка 2019. (руск.)