Аўтамат, або штурмавая вінтоўка — аўтаматычная стралковая зброя (па сутнасці аўтаматычны карабін), якая выкарыстоўвае прамежкавы патрон, асноўная індывідуальная зброя салдат большасці сучасных армій. Першы аўтамат распрацаваны У. Р. Фёдаравым у 1916 годзе. Масава пачалі распрацоўвацца і выкарыстоўвацца ў канцы 2-й Сусветнай вайны (аўтамат StG-44).
Сучасныя аўтаматы звычайна маюць калібр 5,45—7,62 мм, умяшчальнасць магазіна 20—35 патронаў. Механізмы большасці з іх працуюць за кошт адводу часткі парахавых газаў са ствала.
На ўзбраенні войскаў Рэспублікі Беларусь стаяць розныя мадыфікацыі аўтамата Калашнікава АК-74.
![]() |
Аўтамат (зброя) на Вікісховішчы |
---|