БТР-90

БТР-90
Выява
Краіна паходжання
Вытворца Arzamas Machine-Building Plant[d]
Лагатып Вікісховішча Медыяфайлы на Вікісховішчы

БТР-90 «Расток» (таксама пазначаецца як ГАЗ-5923) — расійскі колавы бронетранспарцёр. Машына прызначана для прымянення ў мотастралковых падраздзяленнях сухапутных войск. БТР быў прыняты на ўзбраенне расійскай арміі, але серыйна не вырабляўся[1].

Гісторыя

[правіць | правіць зыходнік]

БТР-90 распрацаваны на ААТ «Горкаўскі аўтамабільны завод». Упершыню прадстаўлены ў 1994 годзе. Серыйны выпуск планавалася пачаць у 2011 годзе на ААТ «Арзамаскі машынабудаўнічы завод»[2].

Дзяржаўныя выпрабаванні бронетранспарцёра былі завершаны ў 2004 годзе[3][4].

«Расток» прыняты на ўзбраенне Узброеных Сіл Расіі загадам міністра абароны № 324 ад 9 чэрвеня 2008 года, стаўшы першым новым расійскім колавым бронетранспарцёрам, прынятым на ўзбраенне ў постсавецкі час[5]. У 2011 годзе Мінабароны Расіі адмовілася ад закупак БТР-90 у сувязі з пераглядам канцэпцыі ўзбраенне Сухапутных войск УС Расіі і пачала распрацоўкі канцэптуальна новага БТР[6].

Апісанне

[правіць | правіць зыходнік]

БТР-90 абсталяваны аўтаматычнай гідрамеханічнай рэверсіўнай каробкай перадач, незалежнай падвескай усіх колаў з пастаянным прывадам усіх колаў. Браня, у параўнанні з БТР-80, была істотна ўзмоцнена. Значна палепшана супрацьмінная абарона, у прыватнасці, дно машыны мае V-вобразную форму — больш устойлівую да ўздзеяння ўдарнай хвалі, чым традыцыйная плоская.

Узбраенне, размешчанае ў баявым аддзяленні, стабілізавана, што дазваляе весці агонь у руху па перасечанай мясцовасці. Нягледзячы на тое, што БТР-90 цяжэй і больш у параўнанні з БТР-80, ён значна больш рухомы за сваіх папярэднікаў. Так, баявая машына здольная ажыццявіць разварот на месцы, дзякуючы кручэнню колаў розных бартоў у супрацьлеглыя бакі (па аналогіі з гусенічнымі машынамі).

Машына абсталявана бартавой інфармацыйна-кіруючай сістэмай (БІКС).

Базавае ўзбраенне складаецца з:

Канструкцыя дазваляе ўсталёўваць больш магутную зброю, у прыватнасці 100-мм або 125-мм гармату. На БТР усталяваны камбінаваны дзённы і начны прыцэл БПКЗ-42 і дзённы прыцэл 1П-13. Машына мае сістэму абароны ад зброі масавага паражэння.

Мадыфікацыі

[правіць | правіць зыходнік]
  • БТР-90 «Расток» — мадыфікацыя з 30-мм аўтаматычнай гарматай 2А42, 7,62-мм кулямётам ПКТМ, аўтаматычным гранатамётам АГС-17 і супрацьтанкавым комплексам 9К111-1М «Конкурс-М»[7].
  • БТР-90 «Беражок» — мадыфікацыя з баявым модулем «Беражок», які ўключае 30-мм аўтаматычную гармату 2А42, 7,62-мм кулямёт ПКТМ, аўтаматычны гранатамёт АГС-30М і супрацьтанкавы комплекс 9К135 «Карнет»[8].
  • БТР-90М — мадыфікацыя з баявым модулем «Бахча-У», які ўключае 100-мм гарматна-пускавую ўстаноўку 2А70, 30-мм аўтаматычную гармату 2А72, 7,62-мм кулямёт ПКТМ, супрацьтанкавы комплекс 9К116-3 «Басня»[8].

Крыніцы

[правіць | правіць зыходнік]
  1. ↑ Мощные ПТУР сделали БТР-87 идеальным убийцей современных танков. Архівавана з першакрыніцы 26 лютага 2023. Праверана 26 лютага 2023.
  2. ↑ В АРЗАМАСЕ НАЛАДЯТ ВЫПУСК БТР-90. Военно-промышленный курьер (4 лістапада 2009). Архівавана з першакрыніцы 25 лютага 2012.
  3. ↑ БТР нового поколения выйдет в серийное производство (руск.). Наука и технологии. РИА Новости (1 снежня 2004). Архівавана з першакрыніцы 25 лютага 2012.
  4. ↑ Бронетранспортер ГАЗ-5923 — «БТР-90». Оружие России. Архівавана з першакрыніцы 4 чэрвеня 2012.
  5. ↑ ООО «Военно-промышленная компания» представит на «МВСВ-2008» несколько новинок. Оружие России. Архівавана з першакрыніцы 4 чэрвеня 2012.
  6. ↑ Министерство обороны утвердило проект броневика, превосходящего технику НАТО. Архівавана з першакрыніцы 1 лістапада 2011. Праверана 30 кастрычніка 2011.
  7. ↑ Новый российский бронетранспортер БТР-90 «Росток»(недаступная спасылка). Архівавана з першакрыніцы 18 студзеня 2010. Праверана 8 верасня 2024.
  8. ↑ а б Новый российский бронетранспортер БТР-90 «Росток» Архіўная копія на Wayback Machine (недаступная спасылка)

Літаратура

[правіць | правіць зыходнік]
  • М. Никольский, В. Ильин. БТР-90 «Росток» // Техника и вооружение. — 1999. — № 11—12.
  • Князев М. БТР-90 // Русские танки. — Киев: Юнивест принт, 2012. — Вып. 40. — С. 6. — ISSN 2073-543X.