БТР-94

БТР-94
Выява
Бітва
Краіна паходжання
Вытворца Malyshev Factory[d]
Усяго выраблена 50
Дата прыняцця ў эксплуатацыю 1994
Лагатып Вікісховішча Медыяфайлы на Вікісховішчы

БТР-94 — украінскі бронетранспарцёр, распрацаваны ў 1990-я гады на базе савецкага БТР-80. Машына ўяўляе сабой канверсію БТР-80, якая праводзіцца шляхам усталявання новага баявога модуля БАУ-23-2 і замены рухальнай ўстаноўкі на УТД-20. Работы па распрацоўцы і вытворчасці вяліся на заводзе імя Малышава.

Корпус зварны, вырабляецца з катанай сталі і забяспечвае абарону ад куль калібра 12,7-мм і аскепкаў. У пярэдняй частцы размешчана аддзяленне кіравання з месцамі механіка-кіроўцы і камандзіра (у экіпаж уваходзіць таксама аператар), у сярэдняй частцы — дэсантнае аддзяленне для 10 чалавек, у карме корпуса знаходзіцца маторна-трансмісійнае аддзяленне[1].

У ходзе вырабу БТР-94 корпус БТР-80 узмацнялі за кошт устаноўкі дадатковых элементаў[2].

Над месцамі камандзіра і кіроўцы размешчаны верхнія люкі, праз якія можна трапіць у БТР. Дэсантнікі высаджваюцца праз аналагічныя люкі або двухстворкавыя бакавыя дзверы (верхняя створка адкрываецца ў бок, а ніжняя апускаецца ўніз). Знутры дэсантнае аддзяленне абабіта кеўларам, які прадухіляе раненне салдат ад сколаў броні[1].

Падвеска незалежная, тарсіённай. Колавая формула — 8 × 8 / 4. Чатыры пярэдніх колы кіраваныя і маюць сістэму цэнтралізаванага рэгулявання ціску ў шынах. Машына пераадольвае водныя перашкоды ўплаў. Развівае хуткасць да 85 км/г. Запас паліва складае 300 л[1].

Штатным узбраеннем БТР-94 з’яўляецца баявы модуль БАУ 23х2 масай 1090 кг, які ўяўляе сабой спараную 23-мм артылерыйскую ўстаноўку, 7,62-мм кулямёт ПКТ і шэсць 81-мм пускавых установак для адстрэлу дымавых гранат[3].

Бронетранспарцёр пастаўляўся ў Ірак[4] і Іарданію[5].

Крыніцы

[правіць | правіць зыходнік]
  1. ↑ а б в bocquelet, david. Ukrainian BTR-94 APC (1999) (англ.). tank-afv.com. Архівавана з першакрыніцы 7 верасня 2023. Праверана 7 верасня 2023.
  2. ↑ д. техн. н. Е. К. Посвятенко. Забезпечення високих технічних характеристик форсованих двигунів та важких засобів транспорту // "Восточно-Европейский журнал передовых технологий № 10 (51), том 3, 2011. стор.53-56
  3. ↑ Константин Сидоров. Проще закупить у нас на Украине. Башенные установки для бронированных машин Архівавана 8 снежня 2015. // «Военно-промышленный курьер», № 34 (451) от 29 августа 2012
  4. ↑ Реквием по Ираку | Еженедельник «Военно-промышленный курьер». Архівавана з першакрыніцы 7 жніўня 2016. Праверана 21 ліпеня 2016.
  5. ↑ Янукович заинтересовал короля | Экономические известия(недаступная спасылка). Архівавана з першакрыніцы 28 мая 2012. Праверана 21 ліпеня 2016.

Спасылкі

[правіць | правіць зыходнік]