Барбара Стрыцава

Барбара Стрыцава
Нарадзілася	28 сакавіка 1986(1986-03-28)[1][2]^[…] (38 гадоў) Пльзень, Чэхаславакія[1][3]
Грамадзянства	Чэхія[4]
Рэзідэнцыя	Дубай, ААЭ
Рост	164 см
Вага	60 кг
Прафесійная кар’ера	2003 — ц.ч.
Вядучая рука	правая
Удар злева	двухручны
Трэнер(ы)	Лукаш Длоўгі
Прызавыя грошы	12 747 546 $[1]
Адзіночны разрад
Вынікі (в/п)	567–418[1]
Тытулы	2 WTA, 9 ITF
Найвышэйшы рэйтынг	16 (16 студзеня 2017)
Турніры серыі Вялікага шлема
Аўстралія	4-ы раўнд (2016, 2017, 2018)
Францыя	4-ы раўнд (2018)
Уімблдан	1/2 фіналу (2019)
ЗША	3-і раўнд (2014, 2015, 2018)
Парны разрад
Вынікі (в/п)	519–267[1]
Тытулы	32 WTA, 10 ITF
Найвышэйшы рэйтынг	1 (15 ліпеня 2019)
Турніры серыі Вялікага шлема
Аўстралія	фінал (2020)
Францыя	1/2 фіналу (2018)
Уімблдан	перамога (2019, 2023)
ЗША	1/2 фіналу (2014, 2017)
Узнагароды і медалі Алімпійскія гульні Бронза Рыа-дэ-Жанэйра 2016 парны разрад
Медыяфайлы на Вікісховішчы
Апошняе абнаўленне: 24 ліпеня 2023 года

Ба́рбара Стры́цава (падчас замужжа — За́главава-Стры́цава, чэшск.: Barbora Záhlavová-Strýcová; нар. 28 сакавіка 1986 года, Пльзень, Чэхаславакія) — чэшская прафесійная тэнісістка; паўфіналістка аднаго турніру Вялікага шлема ў адзіночным разрадзе (Уімблдан-2019); пераможца двух турніраў Вялікага шлема ў парным разрадзе (Уімблдан-2019, 2023); фіналістка аднаго турніру Вялікага шлема ў парным разрадзе (Адкрыты чэмпіянат Аўстраліі-2020); пераможца 34 турніраў WTA (з іх два ў адзіночным разрадзе); першая ракетка свету ў парным разрадзе; шасціразовая ўладальніца Кубка Федэрацыі (2011, 2012, 2014, 2015, 2016, 2018) у складзе нацыянальнай зборнай Чэхіі; бронзавы прызёр Алімпійскіх гульняў 2016 года ў парным разрадзе.

У юніёрах: былая першая ракетка свету ў адзіночным і парным разрадах у юніёрскім рэйтынгу; пераможца двух юніёрскіх турніраў Вялікага шлема ў адзіночным разрадзе (Адкрыты чэмпіянат Аўстраліі-2002, 2003); пераможца трох юніёрскіх турніраў Вялікага шлема ў парным разрадзе; пераможца парнага турніру Orange Bowl (2001).

Агульная інфармацыя

Ураджэнка Пльзеня — адна з дзвюх дачок Індржыха Стрыца і Ілоны Стрыцавай; яе сястру клічуць Івона.

Чэшка прыйшла ў тэніс у пяць гадоў; першым часам Барбара таксама паралельна займалася фігурным катаннем. Стрыцава аддае перавагу дзеянням за задняй лініяй; улюбёныя пакрыцці — трава і грунт.

14 лютага 2013 года ITF дыскваліфікавала чэшку на паўгады за парушэнне антыдопінгавых правіл (у яе аналізах быў знойдзены сібутрамін). Адлучэнне ад спаборніцтваў увайшло ў сілу з 16 кастрычніка 2012 года^[5].

З 2007 па красавік 2015 года Барбара была замужам са сваім трэнерам Якубам Заглавай^[6] (кузэн іншай тэнісісткі жаночага тура — Сандры Заглававай). Пасля разводу ізноў пачала выступаць пад дзявочым прозвішчам.

У сакавіку 2021 года стала вядома, што Стрыцава рыхтуецца стаць маці, а ў верасні яна нарадзіла сына і назвала Вінсент^[7][8].

Крыніцы

1. Player Profile // WTA website
   <a href="https://wikidata.org/wiki/Track:Q14580067"></a>
2. Czech National Authority Database Праверана 9 лютага 2022.
   <a href="https://wikidata.org/wiki/Track:Q13550863"></a>
3. Strýcová, Barbora, 1986- // regional database of the Pilsen City Library Праверана 20 красавіка 2024.
   <a href="https://wikidata.org/wiki/Track:Q125545196"></a>
4. Olympedia — 2006. Праверана 25 красавіка 2023.
   <a href="https://wikidata.org/wiki/Track:Q95606922"></a>
5. Decision in the case of Barbora Zahlavova Strýcová (англ.). itftennis.com (14 лютага 2013). Архівавана з першакрыніцы 18 лютага 2013. Праверана 6 красавіка 2015.
6. Заглавова-Стрыцова развелась с Якубом Заглавовым и вернула фамилию (руск.). чемпионат.com (6 красавіка 2015). Архівавана з першакрыніцы 4 сакавіка 2016. Праверана 6 красавіка 2015.
7. Барбора Стрыкова станет матерью(недаступная спасылка)
8. Завершившая карьеру Барбора Стрыкова стала матерью (нявызн.). Архівавана з першакрыніцы 30 сакавіка 2022. Праверана 30 сакавіка 2022.

Спасылкі

• Афіцыйны сайт (англ.) (чэшск.)

---

• Профіль на сайце WTA Tour (англ.)
• Профіль на сайце ITF (англ.)
• Профіль на сайце Кубка Федэрацыі (англ.)