Бельэтаж

На фасадзе Строганаўскага палаца  (руск.) бельэтаж выдзелены больш буйнымі і багацей дэкараванымі вокнамі

Бельэтаж (фр.: bel «прыгожы» і фр.: étage «паверх», «ярус») — тэатральны і архітэктурны тэрмін.

У тэатры

Складовая частка глядзельнай залы сучаснага тэатра, ніжні ярус балконаў над партэрам  (руск.), амфітэатрам і бенуарам^[1]. Балконы, размешчаныя вышэй бельэтажа, носяць назву першага, другога і г.д. ярусаў.

У архітэктуры

У архітэктуры барока і класіцызму — другі знізу, пасля цокальнага, паверх будынка, пераважна палаца, асабняка^[1]. У бельэтажы размяшчаюцца парадныя залы і пакоі, якія вылучаюцца большай вышынёй, якасцю аддзелкі^[2]. На фасадзе, як правіла, вылучаецца вышынёй, памерамі вокнаў, дэкаратыўным афармленнем. На бельэтаж можа весці парадная лесвіца, размешчаная ў інтэр'еры ці звонку будынка.

У сучаснай архітэктуры жылых дамоў тэрмін «бельэтаж» амаль не выкарыстоўваецца.

Зноскі

1. Власов В.Г. Большой энциклопедический словарь изобразительного искусства. — СПб.: ЛИТА, 2000. — Т. 1. — С. 629. — 864 с. — ISBN 5-93363-003-9.
2. Беларуская энцыклапедыя: У 18 т. Т.3: Беларусы — Варанец / Рэдкал.: Г. П. Пашкоў і інш — Мн.: БелЭн, 1996. — Т. 3. — 511 с. — 10 000 экз. — ISBN 985-11-0068-4 (т. 3).

Літаратура

• Беларуская энцыклапедыя: У 18 т. Т.3: Беларусы — Варанец / Рэдкал.: Г. П. Пашкоў і інш — Мн.: БелЭн, 1996. — Т. 3. — 511 с. — 10 000 экз. — ISBN 985-11-0068-4 (т. 3).