Берлінскі кангрэс

Берлінскі кангрэс (13 чэрвеня — 13 ліпеня 1878) — міжнародны кангрэс, скліканы для перагляду ўмоў Сан-Стэфанскага мірнага пагаднення, якое завяршыла руска-турэцкую вайну 1877-1878 гадоў.

Арганізатарам кангрэсу, у якім удзельнічалі прадстаўнікі Расіі, Англіі, Аўстра-Венгрыі і Германіі, быў Ота фон Бісмарк. Прысутнічалі дэлегацыі Італіі, Францыі і Турцыі. На кангрэс былі запрошаныя і прадстаўнікі балканскіх краін: Грэцыі, Сербіі, Румыніі, Чарнагорыі. Балгарыя ўдзелу ў перамовах не ўзяла, хаця гаворка ішла пераважна пра яе лёс.