Берэн і Луціен (кніга)

Берэн і Луціен
англ.: Beren and Lúthien
Аўтар Дж. Р. Р. Толкін
Жанр высокае фэнтэзі[en]
Мова арыгінала англійская
Афармленне Алан Лі
Выдавецтва HarperCollins[en]
Houghton Mifflin Harcourt[en]
Выпуск 1 чэрвеня 2017
Старонак 297
ISBN 978-0-00-821419-7
Папярэдняя Балада пра Аотру і Ітрун[en]
Наступная Падзенне Гондаліна[en]

Берэн і Луціен (англ.: Beren and Lúthien) — зборнік 2017 года, у які ўвайшло некалькі версій падання Дж. Р. Р. Толкіна пра Берэна і Луціен — аднаго з самых ранніх апавяданняў Толкіна пра Серадзем’е. Гэта адно з трох «вялікіх паданняў» у яго легендарыуме. Выдадзенае пад рэдакцыяй Крыстафера Толкіна, яно апавядае пра каханне і прыгоды смяротнага чалавека Берэна і несмяротнай эльфійскай прынцэсы Луціен. Падзеі падання адбываюцца ў Першую эпоху Серадзем’я, прыкладна за 6500 гадоў да падзей «Хобіта» і «Валадара Пярсцёнкаў».

Толкін напісаў некалькі версій іх гісторыі. Упершыню персанажы Берэна і Луціен з’яўляюцца ў «Кнізе страчаных паданняў[en]», напісанай Толкіным у 1916—1918 гадах. Пазней розныя версіі падання прыводзяцца ў паэме «Лэ пра Лэйціян[en]», хроніках «Шэрыя аналы[en]», пасмяротна складзенай кнізе «Сільмарыліян». Песню пра Берэна і Луціен Арагорн спявае хобітам у «Валадары пярсцёнкаў».

Натхненне для многіх ідэй, прадстаўленых у паданні, Толкін чэрпаў у каханні да сваёй жонкі Эдыт, і пасля яе смерці на яе надмагіллі было выгравіравана «Луціен», а пазней — «Берэн» на яго ўласным.

Змест

[правіць | правіць зыходнік]
  • Прадмова (эсэ Крыстафера Толкіна)
  • Нататкі пра Старажытныя Дні (эсэ Крыстафера Толкіна)
  • Берэн і Луціен (эсэ Крыстафера Толкіна)
    • Паданне пра Цінувіель (навэла Дж. Р. Р. Толкіна)
    • Урывак з «Міфалагічнага нарысу» (апавяданне Дж. Р. Р. Толкіна)
    • Урывак з «Лэ пра Лэйціян» (паэма Дж. Р. Р. Толкіна)
    • Квента Налдарынва (эсэ Крыстафера Толкіна)
    • Урывак з «Квенты» (апавяданне Дж. Р. Р. Толкіна)
    • Другі ўрывак з «Лэ пра Лэйціян» (паэма Дж. Р. Р. Толкіна)
    • Наступны ўрывак з «Квенты» (апавяданне Дж. Р. Р. Толкіна)
    • Завяршэнне аповеду ў «Лэ пра Лэйціян» (паэма Дж. Р. Р. Толкіна)
    • Квента Сільмарыліян (эсэ Крыстафера Толкіна)
    • Вяртанне Берэна і Луціен паводле «Квенты Налдарынва» (апавяданне Дж. Р. Р. Толкіна)
    • Урывак са «страчанага падання» пра Наўглафрынг (апавяданне Дж. Р. Р. Толкіна)
    • Ранішняя і вячэрняя зорка (апавяданне Дж. Р. Р. Толкіна)
  • Дадаткі
    • Перапрацоўка «Лэ пра Лэйціян» (эсэ Крыстафера Толкіна і паэма Дж. Р. Р. Толкіна)
    • Пералік уласных імён і назваў (эсэ Крыстафера Толкіна)
    • Гласарый (эсэ Крыстафера Толкіна)

Крыніцы

[правіць | правіць зыходнік]