Браканіды

Браканіды
Наезнік Aleiodes indiscretus, заражае вусеня няпарнага шаўкапрада
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Перапончатакрылыя Падатрад:  Джаланосныя Надсямейства:  Ichneumonoidea Сямейства:  Браканіды
Міжнародная навуковая назва
Braconidae Nees von Esenbeck, 1819
Сістэматыка на Віківідах Выявы на Вікісховішчы ITIS   152867 NCBI   7402 EOL   661 FW   71985

Браканіды (Braconidae) — сямейства паразітычных насякомых атрада перапончатакрылых.

Апісанне

Цела даўжынёй 1—5 мм, жоўтае, або карычневата-жоўтае, з сцябліністым брушкам. Маюць дзве пары празрыстых крылаў з адной зваротнай жылкай на пярэдніх крылах, трапляюцца і бяскрылыя формы. Вяртлюгі ног двухчленікавыя, лапкі пяцічленікавыя. Вусікі шматчленістыя. Брушка ў самкі з вельмі доўгім яйцакладам (да 15 мм).

Пашырэнне

Касмапаліты. У сусветнай фаўне выяўлена каля 1000 родаў і звыш 20000 відаў.

Асаблівасці біялогіі

Дарослыя кормяцца пераважна паддзю і нектарам раслін, самкі некаторых відаў — гемалімфай насякомых-гаспадароў. Наезнікі-браканіды першасныя (зрэдку другасныя) энда- або эктапаразіты (адзінкавыя або групавыя) насякомых пэўных атрадаў: лускакрылых, жукоў, двухкрылых, клапоў.

Плоднасць да 1—2 тыс. яец. У некаторых відаў адзначаецца здольнасць размнажацца без апладнення (з неаплодненых яец развіваюцца самцы — арэнатакія), а таксама поліэмбрыянія (размнажэнне на стадыі яйца). Лічынкі бязногія, з 11-13 сегментаў, голыя або ўкрытыя шчацінкамі, з хвастом (у эндапаразітаў). У развіцці лічынак эктапаразітаў адзначаецца пяць, эндапаразітаў — тры ўзросты.

Працягласць жыцця дарослых два-тры (зрэдку больш) месяцаў. За год ад аднаго да пяці і больш пакаленняў. Зімуюць лічынкі ў коканах на раслінах або ў целе гаспадароў.

Падсямействы

У сямейства ўключаюць наступныя падтаксоны:

• Acampsohelconinae
• Adeliinae
• Agathidinae
• Alysiinae
• Amicrocentrinae
• Aphidiinae (часам разглядаецца ў рангу сямейства)
• Apozyginae
• Betylobraconinae
• Blacinae
• Brachistinae
• Braconinae
• Cardiochilinae
• Cenocoeliinae
• Charmontinae
• Cheloninae
• Dirrhopinae
• Doryctinae
• Ecnomiinae (ці Ecnomiini у Euphorinae)
• Euphorinae
• Exothecinae^[1], з улікам у якасці сіноніма Telengaiinae^[2]
• Gnamptodontinae
• Helconinae
• Histeromerinae
• Homolobinae
• Hormiinae
• Ichneutinae
• Khoikhoiinae
• Lysiterminae
• Macrocentrinae
• Masoninae
• Maxfischeriinae
• †Megalyrhyssalinae
• Mendesellinae
• Mesostoinae
• Meteorideinae
• Meteorinae
• Microgastrinae
• Microtypinae
• Miracinae
• Opiinae
• Orgilinae
• Pambolinae
• Proteropinae
• †Protobraconinae
• †Protorhyssalinae
• Pselaphaninae
• Rhysipolinae
• Rhyssalinae
• Rogadinae
• †Seneciobraconinae
• Sigalphinae
• Trachypetinae
• Vaepellinae
• Ypsistocerinae
• Xiphozelinae

Значэнне

Некаторыя віды выкарыстоўваюць у біялагічнай барацьбе са шкоднымі насякомымі.

Зноскі

1. Telengaiinae Tobias 1962 Архівавана 7 лістапада 2014..
2. Tobias V. I. 1962. A new subfamily of Braconids (Hymenoptera, Braconidae) from Central Asia. Trudy Zoologicheskogo Instituta. Akad. Nauk SSSR 30: 268—270.

Літаратура

• Майсеева Т. С. Наезнікі-браканіды // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.