Бранкіца Міхайлавіч

Бранкіца Міхайлавіч
Бранкіца Міхайлавіч
	сербск.: Бранкица Михајловић
Агульная інфармацыя
Пол	жанчына
Спецыялізацыя	нападная
Клуб	Фенербахчэ
Нарадзілася	13 красавіка 1991 (33 гады); Горне-Рахіч, СФРЮ
Грамадзянства	Боснія і Герцагавіна; Сербія
Гады кар’еры	2006—
Рост	189 см
Вага	64 кг
	Алімпійскія гульні
Срэбра	Рыа-дэ-Жанэйра 2016
	Чэмпіянаты Еўропы
Бронза	Нідэрланды / Бельгія 2015
	Кубак свету
Срэбра	Японія 2015
	Еўраліга
Бронза	Карлавы Вары 2012
	Гран-пры
Бронза	Сапара 2013
	Еўрапейскія гульні
Бронза	Баку 2015
	Медыяфайлы на Вікісховішчы

Бранкіца Міхайлавіч (сербск.: Бранкица Михајловић; 13 красавіка 1991, Горне-Рахіч) — сербская валейбалістка, нападная турэцкага клуба «Фенербахчэ» і зборнай Сербіі. Сярэбраны прызёр Кубка свету, уладальніца бронзавых медалёў чэмпіянату Еўропы, Еўралігі, Сусветнага гран-пры, першых Еўрапейскіх гульняў у Баку. Удзельніца летніх Алімпійскіх гульняў у Лондане^[1], сярэбраны прызёр Алімпійскіх гульняў 2016.

Біяграфія

Бранкіца Міхайлавіч нарадзілася 13 красавіка 1991 года ў вёсцы Горне-Рахіч муніцыпалітэта Брчко ССР Сербія, СФРЮ (цяпер Рэспубліка Сербская). Актыўна займацца валейболам пачала з ранняга дзяцінства, у перыяд 2006—2009 гадоў гуляла ў мясцовым клубе «Адзінства» і на міжнародных спаборніцтвах прадстаўляла Боснію і Герцагавіну, потым цягам некалькіх сезонаў спрабавала сябе ў швейцарскім і карэйскім клубах, а ў 2012 годзе перайшла ў французскі «Розінг» і стала прадстаўляць Сербію.

Першага сур'ёзнага поспеху на сталым міжнародным узроўні дамаглася ў 2012 годзе, калі ўвайшла ў асноўны склад сербскай нацыянальнай зборнай і пабывала на турніры жаночай Еўралігі ў Карлавых Варах, адкуль прывезла ўзнагароду бронзавай вартасці. Дзякуючы шэрагу ўдалых выступаў, дабілася права бараніць гонар краіны на летніх Алімпійскіх гульнях у Лондане, аднак тут сербкі выступілі дрэнна — не набралі ў сваёй групе ніводнага ачка і не прабіліся ў стадыю плэй-оф.

У 2013 годзе Міхайлавіч перайшла ў бразільскі «Унілевер», здабыла з ім перамогу на чэмпіянаце Бразіліі і атрымала срэбны медаль на клубным чэмпіянаце свету ў Цюрыху. Пры гэтым у складзе сербскай зборнай яна заняла трэцяе месца на Сусветным гран-пры ў Сапара. Праз год далучылася да японскага клуба «Хісаміцу Спрынгс», хоць значнага поспеху ў Японіі не дамаглася^[2]^[3].

З 2015 года з'яўляецца нападніцай турэцкага клуба «Фенербахчэ», у прыватнасці, у яго складзе стала ўладальніцай Кубка Турцыі. Працягваючы выступаць, галоўным чынам, у складзе валейбольнай каманды Сербіі, выйграла бронзавыя медалі на першых Еўрапейскіх гульнях у Баку і на чэмпіянаце Еўропы ў Бельгіі і Нідэрландах. Атрымала срэбра на Кубку свету ў Японіі, саступіўшы лідарства толькі зборнай Кітая^[4].

Зноскі

↑ Women's Volleyball (нявызн.). London2012.com. Архівавана з першакрыніцы 31 сакавіка 2013. Праверана 30 July 2012.
↑ Vakifbank Istanbul fly to first Women’s Club World Champs title, China claim bronze (нявызн.). Zurich, Switzerland: FIVB (13 кастрычніка 2013). Праверана 13 October 2013.
↑ Hisamitsu Springs. ブランキツァ・ミハイロビッチ選手入部のお知らせ (нявызн.)(недаступная спасылка). Архівавана з першакрыніцы 5 снежня 2014. Праверана 28 November 2014.
↑ The New Transfer of Fenerbahce Grundig Brankica Mihajlović ! (нявызн.).

Спасылкі

Бранкіца Міхайлавіч — алімпійская статыстыка на сайце Sports-Reference.com (англ.)

[1] Women's Volleyball (нявызн.). London2012.com. Архівавана з першакрыніцы 31 сакавіка 2013. Праверана 30 July 2012.

[2] Vakifbank Istanbul fly to first Women’s Club World Champs title, China claim bronze (нявызн.). Zurich, Switzerland: FIVB (13 кастрычніка 2013). Праверана 13 October 2013.

[3] Hisamitsu Springs. ブランキツァ・ミハイロビッチ選手入部のお知らせ (нявызн.)(недаступная спасылка). Архівавана з першакрыніцы 5 снежня 2014. Праверана 28 November 2014.

[4] The New Transfer of Fenerbahce Grundig Brankica Mihajlović ! (нявызн.).

[1]

[2]

[3]

[4]