Бургас (Іспанія)

Горад Бургас ісп.: Burgos Герб^[d] Сцяг Краіна  Іспанія Аўтаномная супольнасць Кастылія і Леон Правінцыя Бургас Раён Альфос-дэ-Бургас Каардынаты 42°21′00″ пн. ш. 3°41′24″ з. д.^HGЯO Мэр Juan Carlos Aparicio Заснаваны 884 Плошча 107,08 км² Вышыня цэнтра 856 м Водныя аб’екты Arlanzón River^[d][1] Насельніцтва ▲174 451 чал. (2023)[2] Шчыльнасць 1546 чал./км² Часавы пояс UTC+1, летам UTC+2 Тэлефонны код 947 Паштовыя індэксы 09001–09007 Аўтамабільны код BU Афіцыйны сайт aytoburgos.es (ісп.) Бургас на карце Іспаніі

Медыяфайлы на Вікісховішчы

У паняцця ёсць і іншыя значэнні, гл. Бургас.

Бургас (ісп.: Burgos) — горад на поўначы Іспаніі, які размяшчаецца ў аўтаномнай супольнасці Кастылія і Леон. З’яўляецца гістарычнай сталіцай каралеўства Кастылія. Найбольш вядомым прадстаўніком горада з’яўляецца кастыльскі дваранін, ваенны дзеяч і дыпламат Сід Кампеадор, які з’яўляецца значнай гістарычнай асобай у іспанскай гісторыі, ён нарадзіўся ў некалькіх кіламетрах на поўнач ад Бургаса, але вырас і атрымаў адукацыю менавіта тут.

Гісторыя

Бургас быў заснаваны ў IX стагоддзі, гэта значыць мяркуецца, што ў 884 годзе, каралём Альфонса III Вялікім^[3] як важная крэпасць у барацьбе супраць маўраў. З XI стагоддзя ў горадзе праходзілі каранацыі кастыльскіх каралёў. Бургас перш за ўсё вядомы, як горад Сіда, іспанскага нацыянальнага героя XI стагоддзя, арыгінальнае імя якога было Радрыга Дыяс дэ Бівар. Разам са сваёй жонкай доннай Хіменай ён пахаваны пад скляпеннямі Бургаскага сабора, які адносіцца да сусветнай культурнай спадчыны ЮНЕСКА.

Бургаскі замак

Акрамя гэтага шыкоўнага гатычнага збудавання, закладзенага ў XIII стагоддзі і завершанага праз тры стагоддзі, у горадзе маецца старажытная гарадская брама, а таксама адметны манастыр Лас-Уэльгас, заснаваны каралём Кастыліі Альфонсам VIII у 1187 годзе. Побач са шматлікімі каралеўскімі пахаваннямі ў ім захоўваецца сцяг халіфа Мухамада ан-Насіра, заваяваны ў бітве пры Лас-Навас-дэ-Талоса ў 1212 годзе, адной з вырашальных бітвай Рэканкісты.

Падчас Грамадзянскай вайны ў Іспаніі Бургас быў цэнтрам нацыяналістычнага руху пад кіраўніцтвам генерала Франка.

Клімат

Горад размяшчаецца на вышыні 856 метраў і мае кантынентальны міжземнаморскі клімат, згодна з міжнароднай класіфікацыяў Кёпена. Клімат Бургаса характарызуецца вельмі халоднай і ветранай зімой з-за размяшчэння на вышыні. Узімку заўсёды выпадае снег, а тэмпература апускаецца ніжэй за нуль.

Клімат Бургаса
Паказчык	Сту	Лют	Сак	Кра	Май	Чэр	Ліп	Жні	Вер	Кас	Ліс	Сне	Год
Сярэдні максімум, °C	6,7	8,9	12,0	13,3	17,2	22,0	26,4	26,7	22,9	16,5	10,7	7,6	15,9
Сярэдні мінімум, °C	−1,2	−0,6	0,6	2,2	5,6	8,4	11,0	11,1	8,5	5,3	1,6	0,3	4,4
Норма ападкаў, мм	46	42	31	65	69	46	30	27	36	50	56	57	555
Крыніца: AEMeT

Гарады-пабрацімы

• Бругэ, Бельгія
• Лудэн, Францыя
• Песак, Францыя
• Сан-Хуан-дэ-лос-Лагас, Мексіка
• Валенсія, Іспанія
• Вічэнца, Італія

Зноскі

1. Бургос // Большая советская энциклопедия. Том 8. Буковые — Варле — 1927. — Т. 8. — С. 137–138.
   <a href="https://wikidata.org/wiki/Track:Q43200241"></a><a href="https://wikidata.org/wiki/Track:Q43471405"></a><a href="https://wikidata.org/wiki/Track:Q20078554"></a>
2. National Statistics Institute Municipal Register of Spain of 2023 — 2023.
   <a href="https://wikidata.org/wiki/Track:Q845937"></a><a href="https://wikidata.org/wiki/Track:Q123821811"></a>
3. Хроніка Бургаса. Год 884

Спасылкі

• На Вікісховішчы ёсць медыяфайлы па тэме Бургас (Іспанія)
• Карта Бургаса Архівавана 12 ліпеня 2012.
• Гарадскія фотаздымкі