Бяссківічныя

Бяссківічныя
Мінога рачная (Lampetra fluviatilis)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Надклас:  Бяссківічныя
Міжнародная навуковая назва
Agnatha
Сістэматыка на Віківідах Выявы на Вікісховішчы ITIS   914178 EOL   55867450 FW   91606

Бяссківічныя, агнаты (Agnatha) — надклас ніжэйшых пазваночных жывёл.

Апісанне

Вядома шэраг вымерлых класаў. Сучасныя кругларотыя ўключаюць міног і міксінаў. Пашыраны ў абодвух паўшар'ях, у марскіх і прэсных водах, на Беларусі вядомы 3 віды міног.

Старажытныя прымітыўныя рыбападобныя жывёлы без сківіц і парных канечнасцей, з хордай. Даўжыня ад некалькіх сантыметраў (верацёнападобныя жывёлы) да 1 м (пляскатыя донныя формы). Унутраны шкілет храстковы (у вымерлых быў вонкавы касцявы шкілет). Шчэлепы ў выглядзе мяшкоў з пялёсткамі энтадэрмальнага паходжання. Ноздравая адтуліна ў большасці няпарная. Паўкружных каналаў 1 ці 2. Рот круглы, сысучага тыпу.

Корм лічынак — раслінныя рэшткі, водарасці; дарослыя паядаюць мяса і кроў рыб ці зусім не кормяцца. Выкапнёвыя бяссківічныя ўсмоктвалі разам з глеем і пяском дробныя арганізмы.

Рэшткі бяссківічных вядомы з кембрыю. Росквіт наступіў у познім сілуры і раннім дэвоне. Іх рэшткі з'яўляюцца вызначальнымі выкапнямі пры вывучэнні адкладаў.

Класіфікацыя

Выдзяляюцца наступныя класы:

• Myxini — Міксіны
• Petromyzontida — Міногі
• † Anaspida
• † Cephalaspidomorphi
• † Conodonta
• † Pteraspidomorpha
• † Thelodonti

Зноскі