Валузіян

Гай Вібій Валузіян
лац.: Gaius Vibius Volusianus
Рымскі імператар 251 — жнівень 253
Сумесна з	Трэбаніян Гал
Папярэднік	Гастыліян
Пераемнік	Эміліян
Нараджэнне	III стагоддзе невядома
Смерць	жнівень 253 Тэрні, правінцыя Тэрні, Умбрыя, Італія
Бацька	Трэбаніян Гал
Маці	Афінія Геміна Бебіяна^[d]
Жонка	Messia Decia^[d]
Медыяфайлы на Вікісховішчы

Гай Вібій Валузіян (лац.: Gaius Vibius Volusianus; памёр у жніўні 253 года) — рымскі імператар у 251—253 гадах.

Біяграфія

Гай Вібій Валузіян быў сынам імператара Гая Вібія Трэбаніяна Гала і яго жонкі Афініі Геміны Бебіяны. Вядома, што ў яго была сястра, Вібія Гала.

Пасля гібелі імператара Дэцыя Траяна ў чэрвені 251 года ў бітве супраць готаў на трон узышоў бацька Валузіяна, Трэбаніян Гал, нягледзячы на тое, што ён падазраваўся ў здрадзе падчас бітвы. Трэбаніян Гал усынавіў Гастыліяна, сына Дэцыя Траяна, і зрабіў яго суправіцелем. Валузіян пры гэтым атрымаў тытул цэзара і ажаніўся з дачкой Дэцыя, тым самым умацаваўшы сваё становішча. Аднак у тым жа годзе Гастыліян памёр ад чумы і Валузіян змяніў яго ў якасці суправіцеля, атрымаўшы тытул аўгуста.

Але ў 253 годзе салдаты абвясцілі імператарам кіраўніка ніжняй Мёзіі Марка Эмілія Эміліяна, які незадоўга да гэтага перамог готаў, якія ізноў парушылі мір. Эміліян з войскамі рушыў на Рым. Трэбаніян Гал і Валузіян выступілі супраць мяцежнікаў, аднак абодва былі забіты ўласнымі салдатамі, калі збіраліся даць бітву на подступах да горада.

Зноскі

Літаратура

• Павел Арозій. Гісторыя супраць язычнікаў. 7. 21. 4-6.
• Аўрэлій Віктар. Пра цэзараў. 30 і 31. 1-2.
• Псеўда-Аўрэлій Віктар. Выманні пра жыццё і норавы рымскіх імператараў. 30 і 31. 1.
• Еўтропій. Брэвіярый ад заснавання Горада. 9 . 5.
• Іардан. Пра паходжанне і дзеянні готаў. 104—106.

Спасылкі

• Ковалев С. И. История Рима: ГЛАВА XII. КРИЗИС III в.