Вальдэс

Вальдэс
ісп. Valdés
Від з космасу
42°30′00″ пд. ш. 63°56′00″ з. д.^HGЯO
Акваторыя	[[Атлантычны акіян|Атлантычны акіян]]
Плошча	3 625 км²
Краіна	Аргенціна
Вальдэс
Медыяфайлы на Вікісховішчы

Сусветная спадчына ЮНЕСКА, аб’ект № 937 рус. • англ. • фр.

Вальдэс (ісп.: Península Valdés) — паўвостраў на атлантычным узбярэжжы Аргенціны. Плошча — 3625 км². У 1999 годзе паўвостраў Вальдэс уключаны ў спіс Сусветнай спадчыны ЮНЕСКА — найперш з-за сваёй непаўторнай і багатай фаўны.

Большая частка паўвострава незаселена. Ёсць некалькі салёных азёр, самае буйное з якіх ляжыць на 40 метраў ніжэй за ўзровень мора. Гэта самая нізкая адзнака на сушы для Паўднёвай Амерыкі.

На ўзбярэжжы паўвострава знаходзяцца калоніі марскіх млекакормячых, такіх як паўднёвы марскі слон (Mirounga leonina) і вушастыя цюлені. У заліве Нуэва, які аддзяляе паўвостраў ад мацерыковай Патагоніі водзяцца паўднёвыя кіты (Eubalaena australis), таксама заплываюць для размнажэння іншыя віды кітоў, бо вада ў заліве цяплейшая і спакайнейшая за адкрыты акіян. Каля ўзбярэжжа водзяцца касаткі. На сушы трапляюцца страусы нанду, гуанака, мара (вядомы як патагонскі заяц, або патагонская марская свінка).

Спасылкі

• На Вікісховішчы ёсць медыяфайлы па тэме Вальдэс