Вільнюская мастацкая акадэмія

Вільнюская мастацкая акадэмія (ВМА)
Vilniaus dailės akademija
Арыгінальная назва	Vilniaus dailės akademija
Міжнародная назва	Vilnius Academy of Arts
Заснаваны	1951
Рэктар	Adomas Butrimas^[d]
Студэнты	2035
Бакалаўрыят	1621
Магістратура	370
Аспірантура	12
Дактарантура	32
Краіна	Літва
Размяшчэнне	Вільнюс, Літва
Юрыдычны адрас	Maironio g. 6 Vilnius
Сайт	vda.lt
Медыяфайлы на Вікісховішчы

Вільнюская мастацкая акадэмія (літ.: Vilniaus dailės akademija) — вышэйшая дзяржаўная навучальная ўстанова ў Літве, якое дзейнічае ў Вільнюсе, з філіяламі ў Каўнасе (Каўнаскі інстытут дэкаратыўна-прыкладнога мастацтва) і Цяльшаі (Цяльшайскі мастацкі факультэт). Адрас у Вільні — вуліца Майроніа, 6 (Maironio g. 6). Рэктар прафесар Ева Скаўроне.

У 2007/2008 навучальным годзе навучалася 1621 бакалаўраў, 370 магістрантаў, налічвалася 32 дактаранты, 12 аспіранта, усяго 2035 навучэнцаў. Акадэмія мае сваю бібліятэку, галерэі ў Вільні: «Akademija» на вуліцы Пілес (адкрыта ў 1991 годзе), «Titanikas», «Krematoriumas» на вуліцы Майронё і Artiflex (вуліца Гаона). Пры акадэміі дзейнічае выдавецтва (заснавана ў 1993 годзе).

Структура

У акадэміі працуюць факультэты:

• Візуальнага і прыкладнога мастацтва
• Архітэктуры і дызайну
• Гуманітарных і сацыяльных навук
• Каўнаскі мастацкі факультэт
• Цяльшайскі мастацкі факультэт

Гісторыя

Заснаваны ў 1951 годзе ў Вільнюсе як Дзяржаўны мастацкі інстытут Літоўскай ССР шляхам аб’яднання Вільнюскага мастацкага інстытута і Каўнаскага інстытута прыкладнога мастацтва. У інстытуце былі кафедры жывапісу (мальбертны жывапіс, фрэска і мазаіка, вітраж, тэатральная дэкарацыя), графікі, скульптуры, архітэктурнай кампазіцыі і праектавання, а таксама пераведзеныя з Каўнаса керамікі і мастацкага тэкстылю.

У 1973 годзе былі ўтвораны два факультэты — выяўленчага мастацтва і прыкладнога мастацтва. У 1977 годзе рыхтаваліся мастакі па спецыяльнасцях: жывапіс, графіка, скульптура, дэкаратыўна-прыкладное мастацтва, інтэр’ер і абсталяванне, ландшафт, рэстаўрацыя архітэктар помнікаў, прамысловае мастацтва, мастацкае афармленне і мадэліраванне вырабаў тэкстыльнай і лёгкай прамысловасці, манументальна-дэкаратыўнае мастацтва, мастацтвазнаўства. Меўся філіял у Каўнасе, першапачаткова вячэрні аддзяленне (адкрыта ў 1959 годзе).

Вядомыя выпускнікі

• Сямён Пятровіч Герус, беларускі графік
• Алена Георгіеўна Лось, беларускі графік
• Берта Ізраілеўна Кузняцова, беларускі савецкі мастак-жывапісец

Спасылкі

• Vilniaus dailės akademija (афіцыйная старонка) (літ.) (англ.)