Вісконсінскі ўніверсітэт у Мілуокі (англ.: University of Wisconsin–Milwaukee) — амерыканская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Мілуокі ў штаце Вісконсін, ЗША.
Гэта буйнейшы ўніверсітэт у Мілуокі і ваколіцах, частка сістэмы Вісконсінскага ўніверсітэта. Гэта таксама адзін з двух даследчых універсітэтаў у штаце, якія надаюць доктарскія ступені, і другі па велічыні універсітэт Вісконсіна. Вучэльня класіфікуецца як доктарскі ўніверсітэт з вельмі высокай даследчай актыўнасцю. У 2018 годзе ўніверсітэт выдаткаваў на даследаванні 55 мільёнаў долараў. Кампус плошчай 42 га размешчаны ў жылым раёне ў пяці кварталах ад возера Мічыган і менш чым у дзесяці хвілінах язды ад цэнтра горада.
- Каледж мастацтваў і архітэктуры
- Каледж бізнесу
- Каледж грамадскага ўзаемадзеяння і прафесій
- Каледж інжынерыі і прыкладных навук
- Каледж агульнанавуковых студый
- Каледж прафесій і навук у галіне здароўя
- Каледж літаратуры і навукі
- Каледж грамадскага здароўя
Медыяфайлы на Вікісховішчы
На Вікісховішчы ёсць медыяфайлы па тэме Вісконсінскі ўніверсітэт у Мілуокі
