Гарошак валасісты

Гарошак валасісты
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя[1] Клас:  Двухдольныя[2] Парадак:  Бабовакветныя Сямейства:  Бабовыя Падсямейства:  Матыльковыя Трыба:  Бабовыя Род:  Гарошак Падрод:  Vicilla Секцыя:  Cracca Від:  Гарошак валасісты
Міжнародная навуковая назва
Vicia hirsuta (L.) S.F.Gray, 1821
Сістэматыка на Віківідах Выявы на Вікісховішчы ITIS   26343 NCBI   3910 EOL   703206 GRIN   t:41501 IPNI   524810-1 TPL   ild-7815

Гаро́шак валасісты^[3] (Vicia hirsuta) — від кветкавых раслін роду Гарошак (Vicia) сямейства Бабовыя (Fabaceae).

Батанічнае апісанне

Батанічная ілюстрацыя Якаба Штурма з кнігі «Deutschlands Flora in Abbildungen», 1796

Аднагадовая павойная травяністая расліна 15—90(120) см даўжынёй. Сцябло тонкае, амаль голае. Прылісткі ў ніжняга і сярэдняга лісця паўстрэлападобныя, з зубцамі, у верхняга лісця — ланцэтныя. Лісце раўнамерна пёрыстарассечанае; лісточкі 4—8-парныя, лінейныя або вузка-даўгаватыя, 5—15 × 1—3 мм, голыя; разгалінаваны вусік. Суквецці відавочна карацей, чым лісце, шчыльна 2—4 (7)-кветкавыя. Чашачка званочкападобная. Вяночак ад белага да светла-фіялетавага колеру, рэдка ружовы, 2—4 (5) мм. Бабы даўгавата-ромбападобныя, 5—10 × 2-5 мм, валасатыя, чорныя ў спеласці. Насенін 2, пляската-сфероідныя. 2n = 12, 14^[4][5].

Распаўсюджанне і экалогія

Распаўсюджаны ў Еўропе (уся, акрамя Ісландыі), Азіі (трапічная і ўмераная) і Паўночнай і Усходняй Афрыцы; натуралізаваўся ў некаторых іншых частках свету^[6][4][7].

Святлолюбівая расліна, мезафіт і мезатроф^[8]. Расце на сухіх схілах і лугах, камяністых россыпах, у стэпах, хмызняках, у светлых сухіх лясах, на ўзлесках і палянах, па берагах вадаёмаў, у вінаградніках, садах, на пасевах, аблогах, пустках, каля дарог. Цвіце ў маі—ліпені^[9].

Гаспадарчае значэнне

Ядомая, лекавая, кармавая расліна^[6]. Пустазелле^[6][9].

Галерэя

• 
  Агульны выгляд расліны
• 
  Прылісткі
• 
  Лісточкі
• 
  Кветка
• 
  Плады
• 
  Насенне

Зноскі

1. Ужываецца таксама назва Пакрытанасенныя.
2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
3. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 140. — 160 с. — 2 350 экз.
4. plantsoftheworldonline.org (нявызн.). (англ.)
5. efloras.org (нявызн.). (англ.)
6. The Euro+Med PlantBase (нявызн.). (англ.)
7. U.S. National Plant Germplasm System (нявызн.). (англ.)
8. Горошек волосистый: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
9. Агроэкологический атлас России и сопредельных стран: экономически значимые растения, их болезни, вредители и сорные растения (руск.)

Літаратура

• Сауткіна Т. А., Кухарава Л. В. Гарошак // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз. — С. 567—568.

Спасылкі

• Горошек волосистый: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Сорные растения. Vicia hirsuta (L.) S. F. Gray. — Горошек волосистый, вика волосистая. // Агроэкологический атлас России и сопредельных стран: экономически значимые растения, их болезни, вредители и сорные растения (руск.)
• Vicia hirsuta (L.) Gray — Горошек волосистоплодный // ИАС «ООПТ России» (руск.)