Гары Маршал

У Вікіпедыі ёсць артыкулы пра іншых людзей з прозвішчам Маршал (значэнні).
Гары Маршал
англ.: Garry Kent Marshall
Дата нараджэння 13 лістапада 1934(1934-11-13)[1][2][…]
Месца нараджэння
Дата смерці 19 ліпеня 2016(2016-07-19)[1][2][…] (81 год)
Месца смерці
Месца пахавання
Грамадзянства
Бацька Anthony W. Marshall[d]
Жонка Barbara Sue Wells[d]
Дзеці Scott Marshall[d]
Адукацыя
Прафесія кінарэжысёр, кінапрадзюсар, сцэнарыст, пісьменнік, акцёр, акцёр агучвання, комік, тэлеакцёр, тэлепрадзюсар, рэжысёр
Узнагароды
IMDb ID 0005190
Лагатып Вікісховішча Медыяфайлы на Вікісховішчы

Гары Маршал (англ.: Garry Marshall; 13 лістапада 1934, Бронкс, штат Нью-Ёрк, ЗША — 19 ліпеня 2016, ЗША) — амерыканскі кінарэжысёр, акцёр, кінапрадзюсар і сцэнарыст. Найбольш вядомымі яго рэжысёрскімі працамі з’яўляюцца такія фільмы, як «За бортам», «Красуня», «Нявеста ва ўцёках», «Дзень святога Валянціна», «Дзённікі прынцэсы», «Стары Новы год» і «Нязносныя лэдзі».

Біяграфія

[правіць | правіць зыходнік]

Нарадзіўся ў сям’і рэжысёра Энтані Уолеса і настаўніцы чачоткі Марджоры Ірэн. Вучыўся ў сярэдняй школе ДэВіта Клінтана і ў Паўночна-заходнім універсітэце, дзе ён вёў спартыўную калонку для The Daily Northwestern і быў сябрам брацтва Альфа-Таў Амега.

Маршал пачаў сваю кар’еру ў якасці аўтара жартаў для такіх комікаў, як Джоі Бішап і Філ Фостэр і сцэнарыста The Tonight Show з Джэкам Паарам.

У пачатку 60-х гадоў Маршал пачаў працаваць са сцэнарыстам Джэры Белсанам. Разам яны пішуць сцэнары для розных тэлешоў, напрыклад, для «Шоу Люсі» і адаптуюць п’есу Ніла Саймана «Дзіўная парачка» для тэлебачання.

У 70-х гадах Гары Маршал пачынае працаваць адзін. З’яўляюцца такія серыялы, як «Шчаслівыя дні», «Лаверна і Шырлі», галоўную ролю ў якім адыграла яго сястра Пені, «Морк і Міндэн».

У 80-х Маршал пасябраваў з Гектарам Элізонда, які з’яўляецца ва ўсіх фільмах рэжысёра, пачынаючы з дэбютнай карціны «Маладосць, бальніца, каханне».

Маршал памёр 19 ліпеня 2016 года на 81-м годзе жыцця ў бальніцы ў горадзе Бербанк (штат Каліфорнія). Пра гэта паведаміла ў аўторак яго агент Мішэль Бега. Паводле яе слоў, прычынай смерці рэжысёра сталі ўскладненні ад запалення лёгкіх. Перад гэтым ён перанёс інсульт.

Зноскі

[правіць | правіць зыходнік]
  1. ↑ а б Garry Marshall // Encyclopædia Britannica Праверана 9 кастрычніка 2017.
  2. ↑ а б Garry Marshall // Internet Broadway Database — 2000. Праверана 9 кастрычніка 2017.