Гваздзік армерыяпадобны

Гваздзік армерыяпадобны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гваздзікакветныя Сямейства:  Гваздзіковыя Падсямейства:  Caryophylloideae Трыба:  Caryophylleae Род:  Гваздзік Від:  Гваздзік армерыяпадобны
Міжнародная навуковая назва
Dianthus armeria L.
Сістэматыка на Віківідах Выявы на Вікісховішчы ITIS   20276 NCBI   645197 EOL   587226 IPNI   138074-3 TPL   kew-2763820

Гваздзік армерыяпадобны^[1] (Dianthus armeria) — від травяністых раслін сямейства Гваздзіковыя (Caryophyllaceae).

Апісанне

Аднагадовыя і двухгадовая расліна з простым або слабаразгалінаваным, зверху апушаным сцяблом вышынёй 20—60 см і кароткім вертыкальным коранем. Лісце валасістае, цёмна-зялёнае, тонкае, да 5 см даўжынёй. Ніжняе лісце прадаўгавата-ланцэтападобнае, сярэдняе і верхняе лінейна-ланцэтападобнае ці лінейнае, сядзячае. Кветкі 8-15 мм у дыяметры, з пяццю пялёсткамі, ружова-пурпуровыя, на кароткіх кветаножках, сабраны на верхавінцы сцябла ў малакветкавае галоўчатае суквецце. Цвіце ў чэрвені — верасні.^[2][3] Плод — каробачка.

Арэал

Від сустракаецца па ўсёй Еўропе, з Партугаліі на поўначы да паўднёвай Шатландыі і паўднёвай Фінляндыі, і з усходу да Украіны і Каўказа.^[4][5][2] У Беларусі гэты рэліктавы від знаходзіцца ў ізаляваных лакалітэтах на паўночна-ўсходняй мяжы арэалу. Дакладна вядомы ў Брэсцкай (Столінскі раён), Гомельскай (Жыткавіцкі, Лоеўскі і Хойніцкі раёны) і Гродзенскай (горад Гродна) абласцях. Раней прыводзіўся для наваколля Гродна, Ваўкавыска, Шчучына і Лоева^[6].

Прымяненне і выкарыстанне

Шырока вырошчваецца як дэкаратыўная расліна ў садах.

Ахова

Уключаны ў Чырвоную кнігу Беларусі 2-га выдання (1993). Ахоўваецца ў Літве і Польшчы.^[6]

Галерэя

• 
  Гваздзік армерыяпадобны
• 
  Насенне Гваздзіка армерыяпадобнага

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 45. — 160 с. — 2 350 экз. — у крыніцы пад назвай Гваздзіка армерыяпадобная
2. Blamey, M. & Grey-Wilson, C. (1989). Flora of Britain and Northern Europe. ISBN 0-340-40170-2
3. Flora of NW Europe: Dianthus armeria(недаступная спасылка)
4. Flora Europaea: Dianthus armeria
5. Den Virtuella Floran: Dianthus armeria (in Swedish, with maps)
6. Гваздзік армерыяпадобны ў Чырвонай кнізе Беларусі(недаступная спасылка) (руск.)

Спасылкі

• Гваздзік армерыяпадобны ў Чырвонай кнізе Беларусі Архівавана 4 сакавіка 2016. (руск.)
• Гвоздика армериевидная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Dianthus armeria L. // ИАС «ООПТ России» (руск.)

Гэты від занесены ў Чырвоную кнігу Беларусі і ахоўваецца законам. III катэгорыя (VU)