Гваякол

Гваякол
Агульныя
Хім. формула	C₇H₈O₂
Тэрмічныя ўласцівасці
Класіфікацыя
Рэг. нумар CAS	90-05-1
PubChem	460
Рэг. нумар EINECS	201-964-7
SMILES	COC1=CC=CC=C1O
ChemSpider	447

Гваякол, 2-метаксіфенол — арганічнае злучэнне, вытворнае фенолу, CH₃OC₆H₄OH.

Уласцівасці

Бясколернае крышталічнае рэчыва з моцным пахам. Цямнее на паветры і на святле. Малекулярная маса 124,13^[1]. Тэмпература плаўлення 28,5 °С. Тэмпература кіпення 205 °C. Шчыльнасць 1,1287 г/см³ пры тэмпературы 21,4 °C. Добра раствараецца ў этаноле, эфіры, ледзяной воцатнай кіслаце, растворах шчолачаў. Растварае ёд і серу. Шчолачныя солі гваяколу добра раствараюцца ў вадзе, магніевыя і кальцыевыя солі — дрэнна^[1].

Атрыманне

Гваякол уваходзіць у склад прадуктаў перагонкі гваякавай і іншых драўнінных смол. У прамысловых умовах атрымліваюць метыліраваннем піракатэхіну метылсернай кіслатой, дыметылсульфатам ці метанолам^[1].

Выкарыстанне

Гваякол выкарыстоўваецца ў вытворчасці пахучых рэчываў (ванілін, эўгенол, санталідол і інш.) і лекавых сродкаў. Таксама выкарыстоўваецца ў невялікай колькасці ў парфумернай прамысловасці^[1].

Шкоднае ўздзеянне

Гваякол выклікае анестэзію скуры, экзэму, раздражненне верхніх дыхальных шляхоў і вачэй.

Зноскі

1. Інфармацыя на сайце XuMuK.ru(недаступная спасылка) (руск.)

Літаратура

• Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5). — С. 103.

Спасылкі

• Інфармацыя на сайце XuMuK.ru(недаступная спасылка) (руск.)
• Інфармацыя на сайце CharChem (руск.)