Гекла

Гекла
ісл. Hekla
Краіна	Ісландыя
Форма вулкана	дзеючы стратавулкан
Апошняе вывяржэнне	28 лютага 2000
Вышыня вяршыні	1488 м
Першае ўзыходжанне	20 чэрвеня 1750, Эгерт Олафсан, Б’ярні Пальсан
Медыяфайлы на Вікісховішчы

Ге́кла^[1], Хекла^[1] (ісл.: Hekla) — стратавулкан, які знаходзіцца на поўдні Ісландыі. Вышыня 1488 (1491^[2]) метраў.

Стратавулкан утварыўся ў выніку шматлікіх вывяржэнняў з лінейнай трэшчыны. Складзены з андэзітавых і базальтавых лаў. Гекла — частка вулканічнага горнага хрыбта, працягласцю 40 кіламетраў. Аднак самай актыўнай часткай гэтага хрыбта з’яўляецца расколіна працягласцю 5,5 км, якая завецца Heklugjá, што належыць вулкану Гекла.

З 874 года вывяргаўся больш 20 разоў і лічыцца найбольш актыўным вулканам Ісландыі. У сярэднявеччы ісландцы звалі яго «Брама ў пекла». Вывучэнне адкладаў вулканічнага попелу засведчылі, што вулкан быў актыўным сама меней на працягу апошніх 6600 год. Першае датаванае вывяржэнне адбылося ў 1104 годзе^[2]. Найбольш моцныя вывяржэнні адбыліся ў 1766—1768 і 1947—1948^[1] гадах. Апошняе вывяржэнне адбылося 28 лютага 2000 года.

Зноскі

1. БелЭн 1997.
2. БСГН 2003.

Літаратура

• Ге́кла, Хекла // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — С. 137. — 10 000 экз. — ISBN 985-11-0035-8. — ISBN 985-11-0090-0 (т. 5).
• Ге́кла // Большой словарь географических названий (руск.) / Гл. ред. В. М. Котляков. — Екатеринбург: У-Фактория, 2003. — С. 171. — 832 с. — 10 000 экз. — ISBN 5-94799-148-9.