Герань балотная

Герань балотная
Навуковая класіфікацыя
Міжнародная навуковая назва

Geranium palustre L., 1756


Сістэматыка
на Віківідах
Выявы
на Вікісховішчы
NCBI  661179
EOL  346145
GRIN  t:424646
IPNI  373430-1
TPL  kew-2823751

Герань балотная[1] (Geránium palústre) — від двухдольных кветкавых раслін, які ўключаны ў род Герань (Geranium) сямейства Гераніевыя (Geraniaceae).

Назва

[правіць | правіць зыходнік]

Герань балотная, воўчча ступа, грабількі, пяціперсціца[2][3], златчыск, трыперсціца[2][4][5], дзеравянка лясная[2], баршчоўнік, грыжная трава[2].

Батанічнае апісанне

[правіць | правіць зыходнік]

Герань балотная — шматгадовая травяністая расліна з узыходзячым з-пад зямлі карэнішчам. Прыкаранёвае лісце 5-12 см шырынёй, нешматлікія, рана знікаючыя, валасістыя з абодвух паверхняў, на валасістых хвосціках да 20 см даўжынёй, падзеленыя на 7 долей. Сцябло да 30-70 см вышынёй, прамое або якое ўздымаецца, валасістае. Сцябловае лісце пяціраздзельнае, неглыбока зубчастае, верхняе — з трыма лопасцямі, амаль сядзячае. Прылісткі яйкападобна-ланцэтнай формы, цёмна-чырвона-бурыя.

Кветкі буйныя, да 3 см у дыяметры. Чашачка 5-7-паасобная, шчаціністая. Пялёсткі вяночка пурпурныя, зваротнаяйкападобнай формы, суцэльныя, з клінаватым аснаваннем, каля 1,5 см даўжынёй. Тычынкі роўныя па даўжыні чашалісцікам, пашыраюцца да аснавання.

Плод валасісты, кроплепадобнай формы. Насенне эліптычнае, пляскатае, з сеткаватай цёмна-карычневай паверхняй, 2,4—2,7×1,5—1,7 мм[6].

Лік храмасом 2n = 28.

Арэал

[правіць | правіць зыходнік]

Герань балотная родам з Цэнтральнай, Паўднёвай і Усходняй Еўропы. Расце ў вільготных месцах на раўнінах і сярод пагоркаў, на балотах, у вербалозе[6].

Таксанамія

[правіць | правіць зыходнік]

Від Герань балотная ўваходзіць у род Герань (Geranium) сямейства Гераніевыя (Geraniaceae) парадку Геранекветныя (Geraniales).


  ещё 4 семейства
(згодна з Сістэмай APG II) 		  яшчэ больш 300 відаў
       
  парадак Геранекветныя     род Герань    
             
  аддзел Кветкавыя, або Пакрытанасенныя     сямейства Гераніевыя     від
Герань балотная
           
  яшчэ 44 парадкі кветкавых раслін
(згодна з Сістэмай APG II) 		  яшчэ 4 рода  
     

Сінонімы

[правіць | правіць зыходнік]
  • Geranium duplicatum Kit., 1863
  • Geranium furcatum Kit., 1863
  • Geranium palustre (Lange) Panțu, 1931
  • Geranium palustre Murr, 1923
  • Geranium palustre Németh, 1933
  • Geranium palustre Lange, 1887
  • Geranium palustre Wacht. ex Murr, 1923
  • Geranium palustre Murr, 1910
  • Geranium palustre Besser, 1822
  • Geranium palustre Brügger ex Syr. & Petunn., 1907
  • Geranium palustre Rupr., 1869
  • Geranium palustre Litv. ex Syr. & Petunn., 1907
  • Geranium palustre Schur, 1866
  • Geranium palustre Peterm., 1838
  • Geranium pratense (Rupr.) Graebn., 1913
  • Geranium purpureum Gilib., 1782, nom. illeg.

Зноскі

  1. ↑ Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 59. — 160 с. — 2 350 экз.
  2. ↑ а б в г Анненков Н.  (руск.) (бел. Ботанический словарь, Спб, 1878
  3. ↑ З. Верас. Беларуска-польска-расейска-лацінскі ботанічны слоўнік. — Вільня, Субач 2: Выданне газеты «Голас беларуса», Друкарня С. Бэкэра, 1924.
  4. ↑ Чоловский К. Опыт описания Могилевской губернии. По программе и под редакцией А. С. Дембовецкого, кн. I. Могілев.
  5. ↑ Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. Горы-Горкі, 1927
  6. ↑ а б Bojňanský, V.; Fargašová, A. Atlas of Seeds and Fruits of Central and East-European Flora. — Springer, 2007. — P. 387. — 1046 p. — ISBN 1-4020-5361-4.

Літаратура

[правіць | правіць зыходнік]

Спасылкі

[правіць | правіць зыходнік]
  • Герань болотная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)