Герань малая, Геранія мяккая[1][2] (Geranium pusillum) — від раслін сямейства Гераніевыя (Geraniaceae). Радзімай віду з’яўляецца паўночны Алжыр, Марока і Еўразія ад Партугаліі і Ірландыі да заходніх Гімалаяў.
Аднагадовая травяністая расліна, 10-50 см вышынёй. Сцёблы прамыя або ляжачыя, не укараняюцца ў вузлах. Сцёблы, хвосцікі і кветаножкі з 0.1-0.3 мм незалозістымі трыхомамі і 0.1-0.2 мм залозістымі трыхомамі. Прылісткі ланцэтныя, выразныя. Лісце супраціўнае; ліставая пласцінка 1.5-3.8 см, валасістая з прыціснутымі незалозістымі трыхомамі. Суквецці двухкветныя; сцяблінка суквецця 0.5-3.2 см. Кветаножкі 0.6-1.6 см. Чашалісцікі 3-4.5 мм, звонку па 0.6-1 мм незалозістымі трыхомамі і 0.2-0.5 мм незалозістымі і залозістымі трыхомамі, усярэдзіне голыя. Пялёсткі бледна-фіялетавыя, 2-3 мм даўжынёй, абедзве паверхні голыя, палі пры аснаванні раснічастыя, вярхушка з 0.2-0.5 мм надрэзам; пылавікі пурпурныя, ≈ 0.3 мм. Плады 0.9-1.1 см, выпрастаныя, калі няспелыя; мерыкарпы гладкія, з да 0.2 мм прыціснутымі незалозістымі трыхомамі, аснова з некалькімі вейчыкамі, дзюба 7-9 мм, без звужанай вяршыні. Насенне 1.7-1.8 мм. 2n = 26[2][3].
Радзімай віду з’яўляецца Паўночны Алжыр, Марока і Еўразія ад Партугаліі і Ірландыі да заходніх Гімалаяў; від натуралізаваны ў Аўстраліі і на некаторых ўмераных тэрыторыях Паўночнай і Паўднёвай Амерыкі[4][5][6].
Ва Украіне расце на палях, у стэпах, ля дарог і ў зарасніках як пустазелле — на ўсёй тэрыторыі[2].
Від Герань малая ўваходзіць у род Герань (Geranium) сямейства Гераніевыя (Geraniaceae) парадку Геранекветныя (Geraniales).
Зноскі
Лісце
Сцёблы кветкі з залозістымі валасінкамі ≈0.2 мм даўжынёй
Кветка
Суплодзе
Плод
Батанічная ілюстрацыя
