Грушанка

Грушанка
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Верасакветныя Сямейства:  Верасовыя Падсямейства:  Monotropoideae Трыба:  Грушанкавыя Род:  Грушанка
Міжнародная навуковая назва
Pyrola L.
Наменклатурны тып
Pyrola rotundifolia L. — Грушанка круглалістая
Сістэматыка на Віківідах Выявы на Вікісховішчы ITIS   23752 NCBI   13650 EOL   60727 IPNI   14856-1

Груша́нка^[1][2] (Pyrola) — род кветкавых раслін сямейства Верасовыя (Ericaceae).

Батанічнае апісанне

Шматгадовыя травяністыя расліны з доўгім галінастым карэнішчам. Лісце простае, суцэльнае, скурыстае, цёмна-зялёнага колеру, на доўгіх чаранках, у прыкаранёвай разетцы, зімуе. Кветкі белага, ружовага, чырванаватага або зеленаватага колеру, на доўгіх кветаносах, у гронкападобных верхавінкавых суквеццях. Плод — 5-гнездавая каробачка бурага колеру.

Распаўсюджанне і экалогія

Род налічвае каля 40^[2] (33^[3]) відаў, пашыраных пераважна ва ўмераных абласцях Паўночнага паўшар’я.

На тэрыторыі Беларусі сустракаюцца:

• Pyrola chlorantha Sw. — Грушанка зеленаватая, ці Грушаўнік, ці Станаўнік бабскі
• Pyrola media Sw. — Грушанка сярэдняя
• Pyrola minor L. — Грушанка малая
• Pyrola rotundifolia L. — Грушанка круглалістая^[2].

У існаванні грушанак вялікае значэнне мае сімбіёз з грыбамі, асабліва на ранніх стадыях развіцця, калі праростак жывіцца выключна за кошт іх міцэлію^[4].

Гаспадарчае значэнне

Расліны роду выкарыстоўваюцца ў якасці дэкаратыўных і лекавых (мачагонныя і процізапаленчыя сродкі)^[2]. У наземнай частцы раслін маецца вялікая колькасць дубільных рэчываў^[2].

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 107. — 160 с. — 2 350 экз.
2. Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5.
3. Pyrola The Plant List (англ.)
4. Грушанка // Архив Природы России — Nature-Archive.RU Архівавана 6 студзеня 2019. (англ.)

Літаратура

• Вынаеў Г. У. Грушанка // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — С. 467. — 10 000 экз. — ISBN 985-11-0035-8. — ISBN 985-11-0090-0 (т. 5).
• Сімановіч Л. Г. Грушанка // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз. — С. 135—136.
• Грушанка // Лесная энциклопедия: В 2-х т. / Гл. ред. Воробьёв Г. И.; Ред. кол.: Анушин Н. А., Атрохин В. Г., Виноградов В. Н. и др. — М.: Сов. энциклопедия, 1985. — Т. 1. — С. 232. — 563 с. (руск.)

Спасылкі

• Грушанка — род Pyrola: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Pyrola The Plant List (англ.)
• Грушанка // Архив Природы России — Nature-Archive.RU Архівавана 6 студзеня 2019. (англ.)