Грушанка сярэдняя

Грушанка сярэдняя
Агульны выгляд расліны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Верасакветныя Сямейства:  Верасовыя Падсямейства:  Monotropoideae Трыба:  Грушанкавыя Род:  Грушанка Від:  Грушанка сярэдняя
Міжнародная навуковая назва
Pyrola media Sw.
Сістэматыка на Віківідах Выявы на Вікісховішчы ITIS   894527 NCBI   642534 EOL   481942 GRIN   t:30423 IPNI   331825-1 TPL   kew-2410546

Груша́нка сярэдняя (Pyrola media) — від кветкавых раслін роду Грушанка (Pyrola) сямейства Верасовыя (Ericaceae).

Распаўсюджанне і экалогія

У прыродзе арэал віду ахоплівае ўсю тэрыторыю Еўропы, Каўказ, Заходнюю Сібір, заходнія раёны Усходняй Сібіры і Кітай (правінцыя Гірын і Сіньцзян-Уйгурскі аўтаномны раён)^[1].

Расце ў лясах.

Батанічнае апісанне

Шматгадовая травяністая расліна з тонкім, бурым, моцна галінастым карэнішчам, якое нясе ў вузлах даданыя карані. Кветкавыя парасткі вышынёй 10—33 см, нясуць адзін лускападобны востры ліст.

Лісце на хвосціках, якія звычайна даўжэй пласцінкі, скурыстае, круглявае або круглява-авальнае, ледзь прыкметна гародкавае, сабрана ў разетку ля аснавання сцябла, часта застаецца на зіму.

Кветкі сабраны на канцах кветканосаў ў гронкападобныя суквецці. Чашачка з яйкападобна-ланцэтнымі, завостранымі, чырванаватымі долямі. Вяночак белы або ружовы, напаўраскрыты; пялёсткі амаль круглявыя, даўжынёй 6—8 мм, шырынёй 4,5—6 мм. Слупок трохі сагнуты ўніз і некалькі выдаецца з вяночка, акружаны тычынкамі, з пяцілопасцевым бугорчатым лычыкам.

Плод — каробачка даўжынёй 4—5 мм і шырынёй 6,5—8 мм, на кветаножках даўжынёй 8—9, радзей ад 5 мм.

Таксанамія

Від Грушанка сярэдняя ўваходзіць у род Грушанка (Pyrola) трыбы Pyroleae падсямейства Monotropoideae сямейства Верасовыя (Ericaceae) парадку Верасакветныя (Ericales).

яшчэ 25 сямействаў (па Сістэме APG II)

яшчэ 2 трыбы (па Сістэме APG II)

яшчэ да 20 відаў

парадак Верасакветныя

падсямейства Monotropoideae

род Грушанка

аддзел Кветкавыя, ці Пакрытанасенныя

сямейства Верасовыя

трыба Pyroleae

від Грушанка сярэдняя

яшчэ 44 парадкі кветкавых раслін (па Сістэме APG II)

яшчэ 7 падсямействаў (па Сістэме APG II)

яшчэ 3 рода

Зноскі

1. Паводле сайта GRIN (гл. картку расліны).

Літаратура

• Сімановіч Л. Г. Грушанка // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз. — С. 135—136.
• Флора СССР. В 30-ти томах / Начато при руководстве и под главной редакцией акад. В. Л. Комарова; Редакторы тома Б. К. Шишкин и Е. Г. Бобров. — М.—Л.: Издательство Академии Наук СССР, 1952. — Т. XVIII. — 802 с. — 3 000 экз.
• Губанов И. А., Киселёва К. В., Новиков В. С., Тихомиров В. Н. Иллюстрированный определитель растений Средней России. В 3-х томах. — М.: Т-во науч. изд. КМК, Ин-т технолог. иссл, 2004. — Т. 3. Покрытосеменные (двудольные: раздельнолепестные). — ISBN 5-87317-163-7.

Спасылкі

• Грушанка средняя: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)