Гуры (ГЭС)

У паняцця ёсць і іншыя значэнні, гл. Гуры.
Гуры
Краіна
Месцазнаходжанне
Вадаём Карані
Электрычная магутнасць, МВт 10 235 мегават
Гуры (ГЭС) (Венесуэла)
Гуры (ГЭС)
Гуры (ГЭС)
Лагатып Вікісховішча Медыяфайлы на Вікісховішчы

«Гу́ры» — буйная ГЭС Венесуэлы ў штаце Балівар, на рацэ Карані за 100 км ад упадзення ў Арынока.

Афіцыйная назва — гідраэлектрастанцыя імя Сімона Балівара (у 1978— 000 гг. — імя Рауля Леона).

На студзень 2016 года чацвёртая станцыя ў свеце па магутнасці пасля кітайскай «Санься» («Тры цясніны»), бразільска-парагвайскай «Ітайпу», і кітайскай «Сілоду».

Агульныя звесткі

[правіць | правіць зыходнік]

Збудаванне ГЭС пачалося ў 1963, першая чарга завершана ў 1978, другая ў 1986.

Склад збудаванняў ГЭС:

  • плаціна агульнай даўжынёй 1300 м і 162 м вышынёй;
  • дзве машынных залы з 10 гідраагрэгатаў у кожнай;
  • бетонны вадаскід максімальнай прапускной здольнасцю 25 500 м³/с.
Спадарожнікавы здымак вадасховішча

Магутнасць станцыі — 10235 МВт. У першай машыннай зале ўстаноўлена 10 агрэгатаў магутнасцю па 400 МВт, у другой — 10 агрэгатаў магутнасцю па 630 МВт. Сярэдняя гадавая выпрацоўка — 47 млрд кВт*г. Напорныя збудаванні ГЭС (поўная даўжыня дасягае 7000 м) утвараюць буйное вадасховішча Гуры працягласцю 175 км, шырынёй 48 км, плошчай да 4250 км2 і поўным аб’ёмам 138 км3. Зрэз вадасховішча знаходзіцца на вышыні 272 м над узроўнем мора.

З 2000 года вядзецца рэканструкцыя: да 2007 года замененыя 5 турбін і асноўныя кампаненты другой машыннай залы, з 2007 года вядзецца замена чатырох агрэгатаў у першай зале.

Сцены другой машыннай залы ўпрыгожаны венесуэльскім мастаком Карласам Круз-Дыезам.

Эканамічнае значэнне

[правіць | правіць зыходнік]

«Гуры» пакрывае на 65% патрэбнасць Венесуэлы ў электраэнергіі. Разам з іншымі буйнымі гідраэлектрастанцыямі (Каруачы і Макагуа) дазваляе краіне вырабляць да 82% электраэнергіі і паловы ўсёй спажыванай энергіі ў аднаўляльным выглядзе (пры адносна нізкай энергазабеспячэння гаспадаркі краіны). Частка электраэнергіі экспартуецца ў суседнія Калумбію і Бразілію.

Няштатныя сітуацыі

[правіць | правіць зыходнік]
  • У лютым 2013 года моцны пажар недалёка ад гідраэлектрастанцыі пакінуў на кароткі час без электрычнасці большую частку краіны. Узгаранне пашкодзіла адразу тры высакавольтныя лініі электраперадачы, якія пастаўлялі электрычнасць у розныя штаты краіны[1].
  • Паводле звестак афіцыйных уладаў БРВ 7 сакавіка 2019 года на ГЭС адбылася дыверсія, у выніку якой былі абясточаныя 23 з 24 штатаў Венесуэлы.

Зноскі

  1. ↑ Венесуэла осталась без электроснабжения из-за пожара на ГЭС

Спасылкі

[правіць | правіць зыходнік]