Гірамагнітныя адносіны

Гірамагнітныя адносіны (магнітамеханічныя адносіны) — адносіны дыпольнага магнітнага моманту элементарнай часціцы (ці сістэмы элементарных часціц) да яе механічнага моманту.

У сістэме СІ адзінкай вымярэння гірамагнітных адносін з'яўляецца с·А·кг⁻¹ = с⁻¹·Тл⁻¹. Часта маецца на ўвазе, што гірамагнітныя адносіны вымяраюцца ў адзінках q/2mc, дзе c — скорасць святла, q і m — зарад і маса часціцы, адпаведна. У гэтым выпадку яно выражаецца безразмернай велічынёй.

Для розных станаў атамнай сістэмы гірамагнітныя адносіны вызначаюцца формулай:

${\displaystyle \gamma =g\gamma _{0}\,\!,}$

дзе g — множнік Ландэ, γ₀ — адзінка гірамагнітных адносін:

${\displaystyle \gamma _{0}={\frac {-e}{2m_{e}c}}\,\!,}$

дзе e — элементарны зарад, m_e — маса электрона, c — скорасць святла.

У выпадку ядраў, за адзінку гірамагнітных адносін прымаюць велічыню:

${\displaystyle \gamma _{0}={\frac {e}{2m_{p}c}}\,\!,}$

дзе m_p — маса пратона.

Паводле класічнай тэорыі, гірамагнітныя адносіны з'яўляюцца каэфіцыентам прапарцыянальнасці паміж вуглавой скорасцю прэцэсіі магнітнага моманту, змешчанага ў знешняе магнітнае поле, і вектарам магнітнай індукцыі.

${\displaystyle {\vec {\Omega }}=\gamma {\vec {B}}.}$

У квантавай тэорыі гірамагнітнымі адносінамі вызначаецца велічыня расшчаплення ўзроўняў у эфекце Зеемана.

Гл. таксама

• Эфект Лармора
• Магнетон Бора
• Ядзерны магнетон
• Спін
• Фундаментальныя фізічныя пастаянныя
• Множнік Ландэ

Спасылкі

• Магнітамеханічныя адносіны(недаступная спасылка) // ВСЭ
• Прэцэсія магнітнага моманту. Гірамагнітныя адносіны. Магнітны рэзананс.(недаступная спасылка) Tutornet.