Гірт Годвінсан

Гірт Годвінсан
англ.: Gyrth Godwinson
Эрл Усходняй Англіі
1057 — 14 кастрычніка 1066
Папярэднік Эльфгар Мерсійскі
Пераемнік тытул скасаваны
Нараджэнне каля 1032
Смерць 14 кастрычніка 1066
Род Дом Годвіна
Бацька Годвін Уэсэкскі[d][1][2]
Маці Гіта Торкельдоцір[d][1][2]
Бітвы
Лагатып Вікісховішча Медыяфайлы на Вікісховішчы

Гірт Годвінсан (стар.-англ.: Gyrð; англ.: Gyrth; каля 1032 — 14 кастрычніка 1066) — англасаксонскі арыстакрат, эрл Усходняй Англіі (з 1055 г.) прадстаўнік дому Годвіна і малодшы брат караля Гаральда II, актыўны ўдзельнік абароны Англіі ад нармандскіх заваёўнікаў.

Біяграфія

[правіць | правіць зыходнік]
Смерць Гірта і Леафвіна Годвінсанаў. Фрагмент габелена з Баё

Гірт быў чацвёртым сынам Годвіна, усемагутнага эрла Уэсэкса. Калі ў 1051 г. англійскі кароль Эдуард Спаведнік дамогся падзення Годвіна і яго эміграцыі, разам з бацькам і старэйшым братам Свенам Гірт адправіўся ў Фландрыю. У наступным годзе Годвін сабраў невялікі флот і разам са сваімі дзецьмі атакаваў паўднёвае ўзбярэжжа Англіі. Кароль быў вымушаны падпарадкавацца і вярнуць Годвіну яго ўладання і месца пры двары.

Пасля смерці Годвіна ў 1053 г. старэйшы сын Гаральд атрымаў у спадчыну тытул эрла Уэсэкса, а Гірту праз два гады было перададзена былое эрлства Гаральда, якое ўключала Усходнюю Англію, Кембрыджшыр і Оксфардшыр[3]. Разам з рэгіёнамі, размешчанымі пад кантролем іншых братоў, дом Годвіна кіраваў практычна ўсёй тэрыторыяй Англіі, за выключэннем заходняй часткі Сярэдняй Англіі (Мерсія). Уплыў Гірта яшчэ больш узмацніўся з узыходжаннем напачатку 1066 г. яго брата Гаральда на англійскі прастол.

Паводле сведчанняў Вільяма Мальмсберыйскага, у сярэдзіне 1066 г. Гірт выступіў супраць асабістага ўдзелу караля Гаральда ў вайне з Вільгельмам, герцагам Нармандыі, у сувязі з тым, што Гаральд да ўзыходжання на прастол даў клятву вернасці Вільгельму і абяцаў падтрымаць яго кандыдатуру на англійскую карону[4]. Гірт быў гатовы сам узначаліць англасаксонскую армію, каб не дапусціць парушэння Гаральдам сваёй клятвы. Аднак кароль праігнараваў прапанову Гірта. У бітве пры Гастынгсе 14 кастрычніка 1066 г. Гірт на чале сваёй дружыны ваяваў з нармандскімі войскамі і загінуў разам са сваімі братамі Гаральдам і Леафвінам.

Зноскі

  1. ↑ а б Lundy D. R. The Peerage
  2. ↑ а б Kindred Britain
  3. ↑ De Vries, K. The Norwegian Invasion of England in 1066. 1999. ISBN 1-84383-027-2.
  4. ↑ Факт прынясення Гаральдам амажа Вільгельму аспрэчваецца некаторымі гісторыкамі (гл. Stenton, F. Anglo-Saxon England. Oxford, 1973.

Літаратура

[правіць | правіць зыходнік]
 Папярэднік 
Эльфгар 		 эрл Усходняй Англіі 
1057 — 1066 		Пераемнік
Ліквідавана