Джон Стэйнбек

Джон Стэйнбек
англ.: Jeffery Ernest Steinbeck
Асабістыя звесткі
Імя пры нараджэнні	англ.: Jeffery Ernest Steinbeck
Дата нараджэння	27 лютага 1902(1902-02-27)[1][2]^[…]
Месца нараджэння	Салінас, акруга Мантэрэй, Каліфорнія, ЗША[3]
Дата смерці	20 снежня 1968(1968-12-20)[1][2]^[…] (66 гадоў)
Месца смерці	Гарлем, Нью-Ёрк, штат Нью-Ёрк, ЗША або Нью-Ёрк, штат Нью-Ёрк, ЗША
Пахаванне	Салінас Каліфорнія
Грамадзянства	ЗША
Бацька	John Steinbeck^[d][4]
Маці	Olive Hamilton^[d][4]
Жонка	Elaine Anderson Steinbeck^[d], Gwyn Conger^[d] і Carol Henning^[d]
Дзеці	John Steinbeck IV^[d] і Thomas Steinbeck^[d]
Альма-матар	Стэнфардскі ўніверсітэт Salinas High School^[d]
Прафесійная дзейнасць
Род дзейнасці	пісьменнік, сцэнарыст, ваенны карэспандэнт, раманіст
Гады творчасці	1927 — 1968
Мова твораў	англійская
Грамадская дзейнасць
Член у	Амерыканская акадэмія мастацтваў і літаратуры^[d] PEN America^[d]
Прэміі	Нобелеўская прэмія па літаратуры (1962) Нацыянальная кніжная прэмія за лепшы фантастычны твор^[d] (1939) Пулітцэраўская прэмія за мастацкую кнігу (1940)
Узнагароды	Каліфарнійская зала славы^[d] (2007)
Подпіс
Творы ў Вікікрыніцах
Медыяфайлы на Вікісховішчы
Цытаты ў Вікіцытатніку

Джон Эрнст Стэ́йнбек^[5] (англ.: John Ernst Steinbeck /ˈstaɪnˌbək/; 27 лютага 1902, г. Салінас, ЗША — 20 снежня 1968) — амерыканскі пісьменнік і журналіст.

Біяграфічныя звесткі

Вучыўся ў Стэнфардскім універсітэце. Шмат падарожнічаў, працаваў журналістам. Пры жыцці быў вельмі папулярны, многія творы выходзілі вялікімі тыражамі і рабіліся бэстсэлерамі.

Творчасць

У ранніх раманах «Залатая чаша» (1929), «Невядомаму богу» (1933), «Квартал Тартылья-Флэт» (1935), цыкле апавяданняў «Райская паша» (1932), зборніку навел «Доўгая даліна» (1938) прасочваюцца рамантычныя тэндэнцыі. Сацыяльная праблематыка выяўлена ў рамане «Бітва з няпэўным зыходам» (1936) і аповесці «Пра мышэй і людзей» (1937). Вяршыня яго творчасці — раман «Гронкі гневу» (1939, экранізаваны ў 1940) пра лёс даведзеных да галечы фермераў, якія вандруюць па краіне ў пошуках працы; праз пакуты і нястачы героі ўсведамляюць сябе часцінкай абяздоленага народа. Ваенная і антыфашысцкая тэматыка адлюстравана ў кнізе нарысаў «Бомбы ўніз» і аповесці «Месяц зайшоў» (абедзве 1942). У пасляваеннай творчасці Дж. Стэйнбека (раманы «Кансервавы рад», 1945; «Аўтобус, які заблудзіў», 1947; «Добры чацвер», 1954; аповесць «Жамчужына», 1947) вылучаецца філасофскі раман «На ўсходзе ад раю» (1952, экранізаваны ў 1955), у якім сцвярджаецца думка пра здольнасць чалавека перамагчы зло ў сабе і дасягнуць любых духоўных вышынь. Аўтар эпахальнага рамана «Зіма трывогі нашай» (1961), які ідэяй маральнага ўзвышэння чалавека спрыяў новаму ўздыму амерыканскай літаратуры. Кніга нарысаў «Падарожжа з Чарлі ў пошуках Амерыкі» (1962) — даследаванне маральна-грамадскага клімату ЗША.

Узнагароды

• Пулітцэраўская прэмія (1940)
• Нобелеўская прэмія па літаратуры (1962)

Беларускія пераклады

• Гронкі гневу: Раман / Джон Стэйнбек; Пер. на бел. мову С. Дорскага; Прадм. Г. Шупенькі. — Мн.: Мастацкая літаратура, 1993.

Зноскі

1. John Steinbeck // Internet Broadway Database — 2000. Праверана 9 кастрычніка 2017.
   <a href="https://wikidata.org/wiki/Track:Q31964"></a>
2. John Ernst Steinbeck // Internet Broadway Database — 2000. Праверана 9 кастрычніка 2017.
   <a href="https://wikidata.org/wiki/Track:Q31964"></a>
3. Deutsche Nationalbibliothek Record #118617338 // Агульны нарматыўны кантроль — 2012—2016. Праверана 10 снежня 2014.
   <a href="https://wikidata.org/wiki/Track:Q27302"></a><a href="https://wikidata.org/wiki/Track:Q36578"></a>
4. Pas L. v. Genealogics — 2003.
   <a href="https://wikidata.org/wiki/Track:Q19847329"></a><a href="https://wikidata.org/wiki/Track:Q19847326"></a>
5. БелЭн 2002.

Літаратура

• Камароўская Т. Я. Стэ́йнбек Джон Эрнст // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 229—230. — 10 000 экз. — ISBN 985-11-0035-8. — ISBN 985-11-0251-2 (т. 15).