Джэферсан Лерма

У Вікіпедыі ёсць артыкулы пра іншых асоб з прозвішчам Лерма.

Джэферсан Лерма
Агульная інфармацыя
Нарадзіўся	25 кастрычніка 1994(1994-10-25)[1][2]^[…] (30 гадоў) Эль-Серыта^[d], дэпартамент Валье-дэль-Каўка^[d], Калумбія
Грамадзянства	Калумбія
Рост	179 см
Вага	70 кг
Пазіцыя	паўабаронца
Клубная кар’ера[* 1]
2013—2015 Atlético Huila^[d] 94 (6) 2015—0000 →  Левантэ Борнмут
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.
Медыяфайлы на Вікісховішчы

Джэ́ферсан Ле́рма (ісп.: Jefferson Lerma; нар. 25 кастрычніка 1994) — калумбійскі футбаліст, апорны паўабаронца і цэнтральны абаронца англійскага клуба «Крыстал Пэлас» і нацыянальнай зборнай Калумбіі. Удзельнік Алімпійскіх гульняў 2016 года, які ладзіліся ў Бразіліі.

Кар’ера

Клубная

Прайшоў падрыхтоўку ў футбольнай школе клуба «Атлетыка Уіла». На пачатку 2013 года юнак быў далучаны да асноўнай каманды клуба, а 30 сакавіка дэбютаваў у айчыннай лізе ў матчы супраць «Мільянарыяс»^[3]. У першы свой сезон згуляў 20 матчаў, а яго клуб у розыгрышы Апертуры спыніўся на 13-м радку. Даволі хутка ігрок замацаваўся ў асноўным складзе, а ў сезоне 2015 года стаў адным з ключавых футбалістаў каманды.

Лерму запрыкмецілі ў Іспаніі, вынікам чаго стала арэнда ў валенсійскі клуб «Левантэ» ў сезоне 2015—2016 гадоў. Лерма хутка прыстасаваўся да дынамічнага стылю новага клуба, а першым голам адзначыўся 7 снежня 2015 года, што дапамагло клуба здабыць адзін пункт у матчы супраць «Эспаньёла» (1:1). Згуляўшы 25 матчаў, бакі дамовіліся аб паўнавартасным пераходзе калумбійца. Ігрок склаў з клубам чатырохгадовы кантракт, а «Атлетыка Уіла» атрымала 600 тысяч еўра^[4]. Паводле вынікаў сезону «Левантэ» страціў месца ў Ла Лізе, апусціўшыся ў Сегунду. Аднак, ужо праз сезон каманда вярнулася ў эліту, здабыўшы перамогу ў другім дывізіёне. Лерма па вяртанні паўдзельнічаў у гістарычнай перамозе валенсійцаў над «Барселонай», якая скончылася з лікам 5:4 на карысць гаспадароў.

7 жніўня 2018 года Лерма далучыўся да клуба Прэм’ер-лігі «Борнмута» за рэкордныя для клуба 30 мільёнаў еўра^[5]. 1 верасня ігрок паклаў пачатак выступы ў Англіі, адгуляўшы 88 хвілін у матчы супраць «Чэлсі», у якім яго каманда зведала паражэнне з лікам 2:0^[6]. Калумбіец замацаваўся ў першым складзе ды стаў улюбёнцам шматлікіх заўзятараў клуба. Поруч з камандай ігрок правёў часы ў Прэм’ер-лізе і Чэмпіёншыпе. 8 чэрвеня 2023 года было абвешчана, што англійскі клуб «Крыстал Пэлас» дамовіўся аб асабістых умовах кантракту з Лермам, і што ён далучыцца да клуба 1 ліпеня^[7]. За новы клуб калумбіец згуляў 12 жніўня, а яго клуб перамог у гасцях «Шэфілд Юнайтэд» з лікам 1:0.

Міжнародная

Ігрок быў часткай алімпійскай каманды Калумбіі на гульнях 2016 года ў Бразіліі. Тады пад кіраўніцтвам Карласа Рэстрэпа каманда дакрочыла да чвэрцьфіналу. Лерма дэбютаваў за нацыянальную зборную Калумбіі 10 лістапада 2017 года, выйшаўшы на замену ў матчы супраць зборнай Рэспублікі Карэі^[8]. Ігрок браў удзел у чэмпіянаце свету 2018 года, але ўжо ў першай сустрэчы супраць зборнай Японіі быў выдалены на трэцяй хвіліне^[9].

Крыніцы

1. Jefferson Lerma // Transfermarkt — 2000. Праверана 9 кастрычніка 2017.
   <a href="https://wikidata.org/wiki/Track:Q2449070"></a>
2. Jefferson Lerma // FBref.com
   <a href="https://wikidata.org/wiki/Track:Q56239490"></a>
3. «Huila y Millonarios no levantaron su juego y por eso empataron 0–0». FutbolRed.
4. «Lerma suma 25 partidos y será granota hasta 2020». Levante-EMV.
5. «Lerma Signs In Club Record Deal». AFC Bournemouth.
6. «Chelsea beat Bournemouth 2–0 to extend 100% start in Premier League». BBC Sport.
7. «Jefferson Lerma to join Palace in July». Crystal Palace F.C..
8. «Selección Colombia perdió amistoso contra Corea del Sur». RCN Radio
9. «Japan beat 10-man Colombia». BBC Sport.

Спасылкі

• Профіль на сайце transfermarkt.com (англ.)
• Профіль на сайце soccerway.com (руск.)
• Профіль на сайце worldfootball.net (англ.)