Дзядкі аптэчныя

У паняцця ёсць і іншыя значэнні, гл. Дзядок (значэнні).

Дзядкі аптэчныя
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ружакветныя Сямейства:  Ружавыя Падсямейства:  Rosoideae Трыба:  Sanguisorbeae Падтрыба:  Agrimoniinae Род:  Дзядкі Від:  Дзядкі аптэчныя
Міжнародная навуковая назва
Agrimonia eupatoria L., 1753
Сістэматыка на Віківідах Выявы на Вікісховішчы ITIS   25094 NCBI   57912 EOL   1260720 GRIN   t:1786 IPNI   316550-2 TPL   rjp-408

Дзядкі́ аптэчныя^[1][2], Дзядкі звычайныя (Agrimonia eupatoria) — від кветкавых раслін роду Дзядкі (Agrimonia) сямейства Ружавыя (Rosaceae).

Назва

Дзядкі аптэчныя, рэпік^[3], дзядкі, дзядок, дзядкі-трава, смятаннік, сучкі, шчэрб^[4][5].

Батанічнае апісанне

Батанічная ілюстрацыя з кнігі О. В. Тамэ «Flora von Deutschland, Österreich und der Schweiz», 1885

Кветка

Шматгадовая травяністая расліна вышынёй 30—125^[1] см з прамым апушаным сцяблом. Лісце чаргаванае па даўжыні сцябла і часам у прыкаранёвай разетцы, на чаранках, няпарнаперыстае, з 5—9(11)^[1] зубчастымі лісцікамі, з прылісткамі, жорсткае, укрытае валаскамі. Кветкі дробныя, з пяццю пялёсткамі, залаціста-жоўтага колеру, духмяныя. Суквецце — колас. Плод — арэшак. На пладах маюцца растапыраныя, злёгку адагнутыя ўніз шыпікі^[1].

Распаўсюджанне і экалогія

Еўрапейскі від. Расліны растуць у шыракалістых і шыракаліста-яловых лясах і на ўзлесках, у хмызняках, каля дарог. Цвітуць у чэрвені—жніўні^[1].

Выкарыстанне

Лекавыя расліны. Выкарыстоўваюцца ў якасці мачагоннага, жаўцягоннага, процізапаленчага і танізавальнага сродку^[1].

Зноскі

1. Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
2. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 9. — 160 с. — 2 350 экз.
3. Антонов А. А. О врачебных растениях, дикорастущих в Витебской губернии и употребляемых населением ее в домашней народной медицине. Витебск, 1888
4. Анненков Н.  (руск.) Ботанический словарь, Спб, 1878
5. Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. Горы-Горкі, 1927

Літаратура

• Пашына Г. В. Дзядкі // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз. — С. 184.

Спасылкі

• Репешок аптечный — Agrimonia eupatoria: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Agrimonia eupatoria L. // ИАС «ООПТ России» (руск.)