Дыёгу Кау

Дыёгу Кау
парт.: Diogo Cão
Род дзейнасці падарожнік-даследчык
Дата нараджэння 1452
Месца нараджэння
Дата смерці 1486[1]
Грамадзянства
Падданства Партугалія
Лагатып Вікісховішча Медыяфайлы на Вікісховішчы
У Вікіпедыі ёсць артыкулы пра іншых людзей з прозвішчам Кау.

Дыёгу Кау (парт.: Diogo Cão; каля 1452 — каля 1486 гг.)[2] — партугальскі мараплавец, даследчык заходняга ўзбярэжжа Афрыкі і ракі Конга.

Біяграфія

[правіць | правіць зыходнік]

Паходзіў з партугальскага рыцарскага роду Кау, аднак меркавана з’яўляўся байструком. З канца 1470-х гг. даследаваў заходняе ўзбярэжжа Афрыкі. Лічыцца першаадкрывальнікам вострава Анабон. У 1482—1484 гг. экспедыцыя на чале з Дыёгу Кау адкрыла і даследавала вусце ракі Конга. Тут быў усталяваны каменны слуп, што сведчыў аб першынстве партугальскіх мараплаўцаў. Пасля вяртання на радзіму Дыёгу Кау атрымаў ад караля Жуана II званне рыцара.

У 1485 годзе ўзначаліў новую экспедыцыю з мэтай падняцца ўздоўж ракі Конга. Падчас вывучэння рэчышча ў раёне Матады чальцы экспедыцыі ўпершыню даведаліся пра Каралеўства Конга. Дыёгу Кау накіраваў пасольства да мясцовага караля з падарункамі, пасля чаго вывучаў узбярэжжа на поўдзень ад вусця Конга. Найбольш паўднёвым пунктам, якога дасягнула яго экспедыцыя, з’яўляўся мыс Крос  (англ.) (бел., дзе быў усталяваны яшчэ адзін слуп. Усяго падчас экспедыцый усталяваў 4 слупы. Аднак партугальскае пасольства было затрымана каралём Конга. Стомлены чаканнем, Дыёгу Кау ўзяў на карабель 4 мясцовых жыхароў, абяцаў іх сваякам, што верне праз 15 месяцаў, і адплыў з імі ў Партугалію.

У 1487—1488 гг. адбылася трэцяя партугальская экспедыцыя да ракі Конга. Яна вярнула захопленых Дыёгу Кау заложнікаў і наладзіла кантакты з каралеўскім дваром у Мбанза-Конга. Але ці прымаў у ёй удзел сам Дыёгу Кау, невядома. Паводле адной з версій храністаў, ён загінуў яшчэ падчас другой экспедыцыі каля мыса Крос.

Зноскі

  1. ↑ Deutsche Nationalbibliothek Record #118668242 // Агульны нарматыўны кантроль — 2012—2016. Праверана 14 жніўня 2015.
  2. ↑ Напісанне ў адпаведнасці з: Орлова, А. История государства Конго; XVI—XVII века. — М.: Наука, 1968. — С. 58.

Спасылкі

[правіць | правіць зыходнік]