Жанна Ланвен
| Жанна Ланвен | |
|---|---|
| фр.: Jeanne Lanvin | |
 | |
| Род дзейнасці | гранд-куцюр’е, дызайнер касцюмаў, бізнесмен |
| Дата нараджэння | 1 студзеня 1867[1][2][…] |
| Месца нараджэння | |
| Дата смерці | 6 ліпеня 1946[1][2][…] (79 гадоў) |
| Месца смерці | |
| Грамадзянства | |
| Узнагароды і прэміі |
  |
 Медыяфайлы на Вікісховішчы | |
Жанна Ланвен, народжаная Жан-Мары Ланвен (франц. Jeanne-Marie Lanvin, 1 студзеня 1867, Парыж, Францыя — 6 ліпеня 1946, там жа) — французская мастачка-мадэльер, заснавальніца ўласнага дома высокай моды.
Біяграфія
[правіць | правіць зыходнік]Жанна Ланвен адкрыла ўласнае атэлье па пашыве адзення ў 1889 годзе ў Парыжы, па адрасе Ру-Буасі-д-Англе, дом № 16.
Набыла вядомасць у пачатку XX стагоддзя распрацоўкай мадэляў элегантнага адзення для юных маці і іх маленькіх дачок. «Музай» мадэльера стала яе дачка Мары-Бланш (1897—1958). У 1907 годзе эмблемай дома «Ланвен» стаў сілуэт дамы, якая трымае за рукі дзяўчынку, — малюнак быў выкананы Полем Ірыбам. У мадэлях Ланвен выкарыстоўвалася вышыўка, матывы народнага касцюма.
У 1909 годзе Ланвен была прынята ў Сіндыкат высокай моды, адкрыла буцік на вуліцы Фабур Сент-Анарэ, дом № 22, і пачала прапаноўваць кліентам мадэлі з калекцый haute couture.
У 1920 годзе Ланвен пачала супрацоўніцтва з дызайнерам інтэр’ераў Альберам Рато — ён стаў кіраўніком аддзела Lanvin-Décoration, адкрытага ў буціку на Фабур Сент-Анары. Таксама Ланвен запрасіла яго абнавіць інтэр’еры сваёй нерухомасці і крам (некаторыя з інтэр’ераў яе парыжскай кватэры, створаныя ў 1920—1922 гадах, у 1985 годзе ўвайшлі ў экспазіцыю парыжскага Музея дэкаратыўнага мастацтва).
У гэты ж перыяд Ланвен адкрыла даччыныя крамы, якія спецыялізаваліся на таварах для дома, мужчынскай вопратцы і футры. Да 1923 года ёй належала тканефарбавальная фабрыка ў Нантэры, прыгарадзе Парыжа.
У 1924 годзе было заснавана парфумернае падраздзяленне — Lanvin Parfums SA. У 1927 годзе быў выпушчаны самы вядомы водар ад «Ланвен» — духі «Арпеж» (арпеджыа). Дызайн флакона, які выпускаўся Сеўрскай мануфактурай, належаў таму ж Альберу Рато. Ён жа стаў кіраўніком новай лініі адзення — Lanvin-Sport.
Пасля смерці Жаны Ланвен у 1946 годзе кіраванне домам перайшло да яе дачкі Мары-Бланш. Да пачатку 1960-х гадоў «Ланвен» заставаўся ў ліку дамоў высокай моды, затым перайшоў да вытворчасці адзення prêt-à-porter. Адраджэнне брэнда адбылося праз некалькі дзесяцігоддзяў, калі ў 2001 годзе да кіравання домам быў прыцягнуты мадэльер Альбер Эльбаз.
Зноскі
- ↑ а б Jeanne Lanvin // Brockhaus Enzyklopädie Праверана 9 кастрычніка 2017.
- ↑ а б Font L. Jeanne Lanvin // Lanvin, Jeanne // Grove Art Online / J. Turner — [Oxford, England], Houndmills, Basingstoke, England, New York: OUP, 2017. — doi:10.1093/GAO/9781884446054.ARTICLE.T2081227
- ↑ Deutsche Nationalbibliothek Record #119509989 // Агульны нарматыўны кантроль — 2012—2016. Праверана 13 снежня 2014.
- ↑ RKDartists Праверана 13 чэрвеня 2020.