Зубнік балотны

Зубнік балотны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Астракветныя Сямейства:  Астравыя Падсямейства:  Cichorioideae Трыба:  Cichorieae Падтрыба:  Crepidinae Род:  Зубнік Секцыя:  Hapalostephium Від:  Зубнік балотны
Міжнародная навуковая назва
Crepis paludosa (L.) Moench, Methodus 535 (1794)
Сістэматыка на Віківідах Выявы на Вікісховішчы ITIS   780267 NCBI   310247 EOL   5114763 GRIN   t:409121 IPNI   200127-1 TPL   gcc-90103

Зубнік балотны^[1][2] (Crepis paludosa) — від кветкавых раслін з роду Зубнік (Crepis) сямейства Астравыя (Asteraceae).

Назва

Этымалогія: лац.: paludosa — «балотны»^[3].

Батанічнае апісанне

Шматгадовая расліна вышынёй 30—80 (у выключных выпадках да 120) см, мае цёмныя, моцныя карані. Сцябло голае, чырвона-фіялетавага колеру. Прыкаранёвае і ніжняе лісце падоўжана-яйцападобнай формы, звужаецца ў крылаты зубчасты чаранок, верхняе — ланцэтападобнай формы, сядзячае. Кветкі жоўтага колеру, у кошыках, сабраных у шчыткападобнае суквецце. Дыяметр кветкавага кошыка 1,5—2,5 см. Плод — сямянка з 10 рабрынкамі, жаўтлявая, з чубком. Чубок 6—7 мм даўжынёй, бялёсы, са слаба-жаўтлявым адценнем.

Распаўсюджанне і экалогія

Азія: Заходняя Сібір, Турцыя; Еўропа: Беларусь, Эстонія, Латвія, Літва, Украіна, Аўстрыя, Бельгія, Чэхія, Германія, Нідэрланды, Польшча, Славакія, Швейцарыя, Данія, Фінляндыя, Ісландыя, Ірландыя, Нарвегія, Швецыя, Вялікабрытанія, Боснія і Герцагавіна, Балгарыя, Харватыя, Чарнагорыя, Румынія, Сербія, Славенія, Францыя, Партугалія, Іспанія. Насяляе вільготныя цяністыя месцы.

Ва Украіне расце на вільготных лугах, на лясных балотах у Карпатах^[2].

Цвіце ў чэрвені—жніўні. Апыляецца пчоламі і мухамі.

Галерэя

• 
  Ліст
• 
  Кветка
• 
  Батанічная ілюстрацыя Якаба Штурма з кнігі «Deutschlands Flora in Abbildungen», 1796

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 42. — 160 с. — 2 350 экз.
2. Доброчаева Д. Н., Котов М. И., Прокудин Ю. Н., и др. Определитель высших растений Украины. — Киев: Наукова думка. — С. 378. — 548 с.
3. Dictionary of Botanical Epithets

Літаратура

• Ляховіч І. М. Зубнік // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз. — С. 378.

Спасылкі

• Euro+Med Plantbase (англ.)
• Germplasm Resources Information Network (GRIN) (англ.)
• West Highland Flora Архівавана 24 жніўня 2021. (англ.)
• Скерда болотная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)