Казяльцовакветныя

Казяльцовакветныя
Казялец паўзучы (Ranunculus repens)
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя[1] Клас:  Двухдольныя[2] Парадак:  Казяльцовакветныя
Міжнародная навуковая назва
Ranunculales Dumort., (1829)
Сямействы
Гл. тэкст
Сістэматыка на Віківідах Выявы на Вікісховішчы ITIS   18409 NCBI   41768 EOL   4373 FW   54893

Казяльцовакветныя (Ranunculales) — парадак двухдольных кветкавых раслін.

Аб’ядноўвае 8 сямействаў, 160 родаў, больш за 3000 відаў. Пашыраны па ўсіх кантынентах. Растуць пераважна па сырых ці залішне вільготных месцах, зрэдку ў вадзе. На Беларусі распаўсюджаны 2 сямействы: казяльцовыя і барбарысавыя, больш за 20 родаў, 150 відаў.

Шмат- і аднагадовыя травы, паўкусты, драўняныя вечназялёныя ліяны ці лістападныя. Лісце простае або складанае, чаргаванае, рэдка супраціўнае. Кветкі двух- або аднаполыя, правільныя, адзіночныя або ў гронках ці мяцёлках. Плод — шматлістоўка, шматарэшак, шматкасцянка, ягадападобны.

Лекавыя, харчовыя, фарбавальныя, меданосныя і дэкаратыўныя расліны. Ёсць ядавітыя.

Гл. таксама

• Лотаць
• Дымніца лекавая
• Боцікі

Крыніцы

1. Ужываецца таксама назва Пакрытанасенныя.
2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».

Літаратура

• Вынаеў Г. Казяльцовакветныя // БЭ ў 18 т. Т. 7. Мн., 1998.