Камуністычная партыя Індыі (марксісцкая)
| Камуністычная партыя Індыі | |
|---|---|
| хіндзі: भारत की कम्युनिस्ट पार्टी (मार्क्सवादी) | |
| Лідар | Sitaram Yechury[d] |
| Дата заснавання | 7 лістапада 1964[1] |
| Штаб-кватэра | |
| Краіна | |
| Ідэалогія | камунізм[1], марксізм-ленінізм[1] і свецкасць |
| Колькасць членаў | 1 000 520[1] |
| Сайт | cpim.org (англ.) |
 Медыяфайлы на Вікісховішчы | |
Камуністычная партыя Індыі (марксісцкая) (КПІ(М); англ.: Communist Party of India (Marxist); хіндзі: Bharat ki Kamyunist Party (Marksvadi)), палітычная партыя Індыі, заснавана ў 1964 у выніку расколу Камуністычнай партыі Індыі (КПІ).
Прычынай расколу сталі дактрынальныя супярэчнасці паміж левым і правым крыламі КПІ. Крызіс паглыбіўся ў канцы 1950-х пры актыўным умяшальніцтве кітайскіх камуністаў (Камуністычная партыя Кітая падвергла крытыцы КПІ на маскоўскай нарадзе кампартый у 1957 за ўдзел у буржуазна-дэмакратычнай палітычнай сістэме Індыі). Інда-кітайская вайна 1962 паскорыла развіццё крызісу: у КПІ ўтварыліся «нацыяналістычная» («прасавецкая») і «інтэрнацыяналістычная» («пракітайская») фракцыі. Першая заняла бок індыйскага ўрада, другая падтрымала Кітай, як сацыялістычную дзяржаву, якая ўступіла ў канфлікт з капіталістычнай (Індыяй). Пракітайская фракцыя абвінаваціла сваіх апанентаў у рэвізіянізме ідэй марксізму і стварыла ўласную партыю — Камуністычную партыю Індыі (марксісцкую).
У розныя часы ад КПІ(М) адкалоліся Камуністычная партыя Індыі (марксісцка-ленінская), Марксісцкая камуністычная партыя Індыі, Камуністычная марксісцкая партыя, Партыя дэмакратычнага сацыялізму (у Заходняй Бенгаліі) і інш.
На сёняшні дзень КПІ(М) зарэгістравана як агульнанацыянальная партыя. З 42 мандатамі ў ніжняй палаце індыйскага парламента яна займае трэцяе месца пасля ІНК і БДжП; левыя партыі маюць разам 63 мандаты, іх падтрымка мае рашаючае значэнне для стабільнасці індыйскага ўрада Аб'яднанага прагрэсіўнага альянсу. КПІ(М) мае моцныя пазіцыі ў штатах Заходняя Бенгалія, Керала і Трыпура, дзе ў кааліцыі з іншымі левымі партыямі ёю сфарміраваны ўрады штатаў. Пэўных поспехаў партыя дасягнула ў штатах Андхра-Прадэш, Біхар, Джаркханд і Тамілнад.