Кветкаеды[1], антаномус[2] (Anthonomus) — род жукоў сямейства даўганосікаў (слонікаў), развіваецца на дрэвавых, кустовых і травяністых раслінах[3].
Цела (1,3—7,5 мм у даўжыню) авальнае, моцна выпуклае. Галава выцягнута ў тонкую і доўгую трубку.
Больш за 500 відаў. Пашыраны ў Еўразіі, Афрыцы, Паўночнай і Паўднёвай Амерыцы, найбольш разнастайныя ў Новым Свеце. Жывуць на пладовых дрэвах, ягадных кустах, травяністых раслінах, радзей на хвойных (Anthonomus phyllocola). Жукі сілкуюцца пупышкамі, кветкамі і маладым лісцем. Лічынкі развіваюцца ў бутонах і кветках. Кветкаед яблыневы (Anthonomus pomorum) пашкоджвае яблыню, грушу, вішню і іншыя пладовыя дрэвы, кветкаед малінавы (Anthonomus rubi) — маліну, суніцы і трускаўкі; бавоўнавы даўганосік Anthonomus grandis — бавоўну ў Паўночнай Амерыцы.
