Клапоўнік пасяўны

Клапоўнік пасяўны
Навуковая класіфікацыя
Міжнародная навуковая назва

Lepidium sativum L., Sp. Pl. 2: 644 (1753)


Сістэматыка
на Віківідах
Выявы
на Вікісховішчы
ITIS  22978
NCBI  33125
EOL  585527
GRIN  t:21769
IPNI  138141-2
TPL  kew-2338547

Клапо́ўнік пасяўны[1], крэс-сала́та[1] (Lepidium sativum) — кветкавая расліна роду Клапоўнік (Lepidium) сямейства Капуставыя (Brassicaceae).

Батанічнае апісанне

[правіць | правіць зыходнік]
Насенне

Аднагадовая травяністая расліна вышынёй 30—60[1] см. Сцябло адзіночнае, прамастойнае, мяцёлкападобнае. Корань расліны тонкі. Верхняе лісце простае, суцэльнае, завостранае, сядзячае. Прыкаранёвае — перыста- або двойчыраздзельнае ці лопасцевае, з чаранкамі. Кветкі белага або ружовага колеру, у гронках. Плод — крылаты стручок. Насенне жаўтавата-бурага колеру.

Распаўсюджанне і экалогія

[правіць | правіць зыходнік]

Расліна распаўсюджана на тэрыторыі Азіі і Паўночнае Афрыкі (Егіпет, Эфіопія), натуралізавалася амаль паўсюдна[2]. Святлолюбівая расліна, мезафіт і мезатроф[3]. Марозаўстойлівая[1]. Лепш расце на на лёгкіх глебах у вільготных і паўзацененых месцах[1]. Цвіце ў чэрвені—ліпені.

Гаспадарчае значэнне

[правіць | правіць зыходнік]

Вырошчваецца ў якасці харчовай расліны (прыправа і зеляніна на салату). Багатая на мінеральныя солі, вітаміны, гліказід лепідзін[1]. У насенні маецца да 25 % тлустага алею[1]. Лекавая і меданосная расліна.

Зноскі

  1. ↑ а б в г д е ё Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.
  2. ↑ Taxon: Lepidium sativum L. (англ.) // Germplasm Resources Information Network (GRIN-Taxonomy)
  3. ↑ Клоповник посевной: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)

Літаратура

[правіць | правіць зыходнік]

Спасылкі

[правіць | правіць зыходнік]