Кліме́ніі (лац.: Clymeniida [Clymenia — німфа, дачка Акіяна]) — атрад вымерлых галаваногіх малюскаў. Жылі ў познім дэвоне — раннім карбоне (каля 30 відаў)[1].
На Беларусі рэшткі іх зрэдку трапляюцца ў адкладах фамену (верхні дэвон) у Прыпяцкім прагіне. Маюць важнае значэнне для вызначэння ўзросту парод[1].
Характарызуюцца плоскаспіральнай ракавінай, ганіятытавай і лопасцевай лініяй і размяшчэннем сіфона з боку спіны. Сіфонныя дудкі значнай даўжыні, павернутыя назад. Памеры ракавіны кліменіяў ад 1 да 50 см[1].
Зноскі
- Кліменіі // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.
- House R.. The origin of the Clymenid ammonoids.. Palaeontology, 1970; 13: 664—676.
- Gottobrio W.E. e Saunders W.B.. The clymeniid dilemma: functional implications of the dorsal siphuncle in clymeniid ammonoids.. Paleobiology, 2005; 31(2): 233—252.
- Климении (руск.) — артыкул з Вялікай савецкай энцыклапедыі